ମୁମ୍ବାଇ: ସାଉଥର ସୁପରଷ୍ଟାର ବିଜୟ ଦେବରାକୋଣ୍ଡା ଏବେ ଚର୍ଚ୍ଚାରେ । ଆଗକୁ ଆସୁଛି ତାଙ୍କ ଅଭିନିତ ପିଲ୍ମ ‘ହେ ନନା’ । ଏଥିରେ ତାଙ୍କର ନାୟିକା ସାଜିଛନ୍ତି ଅଭିନେତ୍ରୀ ମୁରୁନାଲ ଠାକୁର । ଏହି ଯୋଡ଼ିକୁ ପ୍ରଥମ ଥର ପାଇଁ ଦର୍ଶକ ପରଦାରେ ଦେଖିବାକୁ ପାଇବେ । ଏହି ସମୟରେ ବିଜୟଙ୍କ ଏକ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି, ଯାହା ଅତ୍ୟନ୍ତ ଆଶ୍ଚର୍ଯ୍ୟଜନକ । ଯେଉଁଥିରେ ସେ ଭୟଭୀତ ହୋଇ ମଞ୍ଚରୁ ଦୌଡ଼଼ି ପଳାଉଥିବାର ନଜର ଆସିଛନ୍ତି ।
ଫିଲ୍ମ ‘ବେବି’ର ସଫଳତାକୁ ନେଇ ଏକ ସ୍ୱତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଏହି ଇଭେଣ୍ଟରେ ବିଜୟ ଦେବରକୋଣ୍ଡା ଯୋଗ ଦେଇଥିଲେ । ଏହି ଫିଲ୍ମରେ ବିଜୟଙ୍କ ଭାଇ ଆନନ୍ଦ ଦେବରକୋଣ୍ଡା ପ୍ରମୁଖ ଭୂମିକା ଗ୍ରହଣ କରିଥିଲେ । ଫିଲ୍ମର ସଫଳତାକୁ ନେଇ ବିଜୟ କହୁଥିବା ବେଳେ ହଠାତ୍ ଜଣେ ପ୍ରଶଂସକ ମଞ୍ଚ ଉପରକୁ ଦୌଡ଼ି ଆସିଥିଲେ । ଏପରି ଦେଖି ବିଜୟ ଭୟରେ ଦୌଡ଼ି ପଳାଇଥିଲେ । ପରେ ସେଠାରେ ଉପସ୍ଥିତ ଥିବା ସୁରକ୍ଷାକର୍ମୀମାନେ ଉକ୍ତ ଯୁବକଙ୍କୁ କାବୁ କରିଥିଲେ । ଏହାର ଏକ ଭିଡ଼ିଓ ଏବେ ଖୁବ୍ ଭାଇରାଲ ହେବାରେ ଲାଗିଛି ।
ଏହି ପ୍ରଶଂସକ ଜଣକ କେବଳ ବିଜୟଙ୍କ ପାଦ ଛୁଇଁବାକୁ ଯାଇଥିଲେ । ତାଙ୍କର ଉଦ୍ଦେଶ୍ୟ ଅଭିନେତାଙ୍କୁ କ୍ଷତି ପହଞ୍ଚାଇବା ପାଇଁ ନୁହେଁ, କିନ୍ତୁ ବିଜୟ ମଧ୍ୟ ଆଶ୍ଚର୍ଯ୍ୟ ହେବାକୁ ବାଧ୍ୟ ହୋଇଥିଲେ ।
Comments are closed.