ପୁରୀ: ରତ୍ନଭଣ୍ଡାର ଓ ସେଥିରେ ଗଚ୍ଛିତ ଅଳଙ୍କାରକୁ ନେଇ ଓଡ଼ିଶା ହାଇକୋର୍ଟରେ ଦାଖଲ ହୋଇଥିବା ସତ୍ୟପାଠରେ ଓଡ଼ିଶା ସରକାର ମିଛ କହିଛନ୍ତି । ଗୁରୁବାର ଜଗନ୍ନାଥ ସେନା ସଂଗଠନର ଆବାହକ ପ୍ରିୟଦର୍ଶୀ ପଟ୍ଟନାୟକ ଅଭିଯୋଗ କରିଛନ୍ତି ଯେ, ଓଡ଼ିଶା ସରକାର ହାଇକୋର୍ଟଙ୍କୁ ଅଳଙ୍କାରର ଓଜନ କିଲୋରେ ଯୋଗାଇ ଦେଇଥିବା ବେଳେ ଅଳଙ୍କାରର ଓଜନ ତୋଲା (ଭରୀ)ରେ ୧୯୭୮ରେ ଅନୁଷ୍ଠିତ ଶେଷ ସୂଚୀ ସମୟରେ କରାଯାଇଥିଲା। ଏଣୁ ତୋଳା ଓ କିଲୋ ଓଜନର ପାର୍ଥକ୍ୟ ଅନୁସାରେ ୧୯୭୮ ମସିହା ତୁଳନାରେ ୭୪ କେଜି ରୂପା କମ୍ ରହିଛି।
ଶ୍ରୀମନ୍ଦିର ରତ୍ନଭଣ୍ଡାର ସମ୍ପର୍କରେ ରାଜ୍ୟ ସରକାର ହାଇକୋର୍ଟ ଓ ବିଧାନସଭାରେ ଦୁଇଟି ଭିନ୍ନ ତଥ୍ୟ ପ୍ରଦାନ କରିଛନ୍ତି। ହାଇକୋର୍ଟରେ ଦାଖଲ ହୋଇଥିବା ସତ୍ୟପାଠ ଅନୁସାରେ ଉଲ୍ଲେଖ ଥିବା ରୂପାର ଓଜନ ୭୪ କେଜି କମ୍ ବୋଲି ପ୍ରିୟଦର୍ଶୀ ପଟ୍ଟନାୟକ ଅଭିଯୋଗ କରିଛନ୍ତି।
ସେମାନେ ରତ୍ନଭଣ୍ଡାର ଖୋଲି ଯଥାଶୀଘ୍ର ଏହାର ତଦନ୍ତ କରିବା ଦରକାର। ଆଗାମୀ ରଥଯାତ୍ରାକୁ ଅପେକ୍ଷା କାହିଁକି? ମୁଁ ଭାବୁଛି ସରକାର କେବଳ ନିର୍ବାଚନ ସରିବା ପାଇଁ ସମୟ ନେଇଛନ୍ତି। ଯଦି ସେମାନେ ନିର୍ବାଚନ ପୂର୍ବରୁ ରତ୍ନଭଣ୍ଡାର ପୁଣି ଖୋଲନ୍ତି ତେବେ ନିଶ୍ଚିତ ଭାବେ ବିଜେଡି ହାରିବ ବୋଲି ପ୍ରିୟଦର୍ଶୀ ପ୍ରଟ୍ଟନାୟକ କହିଛନ୍ତି।
ସେପଟେ ରତ୍ନଭଣ୍ଡାର ଖୋଲିବାରେ ବିଳମ୍ବକୁ ନେଇ ପ୍ରଶ୍ନ ଉଠାଇଛନ୍ତି ବିଜେପି ଓ କଂଗ୍ରେସ ସମେତ ବିରୋଧୀ। ମହାପ୍ରଭୁ ଶ୍ରୀଜଗନ୍ନାଥଙ୍କ ଅଳଙ୍କାର ଲୁଟ୍ ହୋଇଥିବା ବେଳେ ଏହାକୁ ଲୁଚାଇବା ପାଇଁ ସରକାର ତଦନ୍ତ ବିଳମ୍ବ କରୁଛନ୍ତି ବୋଲି ସେମାନେ ଅଭିଯୋଗ କରିଛନ୍ତି।
ଆମେ ଗେଜେଟ୍ ବିଜ୍ଞପ୍ତି ପଢିଛୁ ଏବଂ ଜାଣିବାକୁ ପାଇଛୁ ଯେ ହାଇକୋର୍ଟରେ ଦିଆଯାଇଥିବା ବିବରଣୀ ୪୫ ବର୍ଷ ପୂର୍ବେ ୧୯୭୮ରେ ପ୍ରସ୍ତୁତ ହୋଇଥିବା ସୂଚୀ ଉପରେ ଆଧାରିତ ଅଟେ। ବିଧାନସଭାରେ ସରକାରଙ୍କ ବୟାନ ଓ ସତ୍ୟପାଠକୁ ଦେଖି ରତ୍ନଭଣ୍ଡାର ଲୁଟ୍ ହୋଇଥିବା ସନ୍ଦେହ କରାଯାଉଛି ବୋଲି ବିଜେପି ନେତା ସମୀର ମହାନ୍ତି କହିଛନ୍ତି।
ରତ୍ନଭଣ୍ଡାରରେ ଥିବା ଉଭୟ ଅଳଙ୍କାର ତାଲିକାରେ ଅନେକ ଅସଙ୍ଗତି ରହିଛି। ସେଠାରୁ ଅନ୍ୟୁନ ୫୦ କେଜି ଭରି ସୁନା ଓ ଅନ୍ୟାନ୍ୟ ଅଳଙ୍କାର ଲୁଟ୍ ହୋଇଛି। ତୁରନ୍ତ ରତ୍ନଭଣ୍ଡାର ତାଲିକା ପ୍ରସ୍ତୁତ କରିବାକୁ ଦାବି କରୁଛୁ ବୋଲି କଂଗ୍ରେସ ବିଧାୟକ ତାରାପ୍ରସାଦ ବାହିନୀପତି କହିଛନ୍ତି।
ଅଭିଯୋଗ ସମ୍ପର୍କରେ ପଚରାଯିବାରୁ ବିଜୁ ଜନତା ଦଳ ଏ ସମ୍ପର୍କରେ କୌଣସି ମନ୍ତବ୍ୟ ନଦେବା ପାଇଁ ନିଷ୍ପତ୍ତି ନେଇଛି। ବିଜେଡିର ବରିଷ୍ଠ ନେତା ଅମର ପ୍ରସାଦ ଶତପଥୀ କହିଛନ୍ତି, ଏହି ମାମଲା ଏବେ ବିଚାରାଧିନ ରହିଛି। ତେଣୁ ଏହା ଉପରେ ମନ୍ତବ୍ୟ ଦେବା ଠିକ୍ ହେବ ନାହିଁ।
ଏଠାରେ ସୂଚନାଯୋଗ୍ୟ ଯେ, ଆସନ୍ତା ବର୍ଷ ରଥଯାତ୍ରା ସମୟରେ ଭାରତୀୟ ପ୍ରତ୍ନତତ୍ତ୍ୱ ସର୍ବେକ୍ଷଣ ସଂସ୍ଥା (ଏଏସଆଇ)କୁ ରତ୍ନଭଣ୍ଡାର ଖୋଲିବା ଓ ମରାମତି କାମ ପାଇଁ ଅନୁମତି ଦେବାକୁ ଶ୍ରୀମନ୍ଦିର ପରିଚାଳନା କମିଟି ଓଡ଼ିଶା ସରକାରଙ୍କୁ ସୁପାରିସ କରିଥିଲା। କିନ୍ତୁ ଏହି ନିଷ୍ପତ୍ତିକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ଭକ୍ତଙ୍କଠାରୁ ଆରମ୍ଭ କରି ଶ୍ରୀମନ୍ଦିର ପରିଚାଳନା କମିଟି ସଦସ୍ୟଙ୍କ ଯାଏଁ ଅନେକ ଦାବି କରିଛନ୍ତି ଯେ ରତ୍ନଭଣ୍ଡାର ମରାମତି ପୂର୍ବରୁ ଅଳଙ୍କାରର ତଦନ୍ତ କରାଯାଉ।
Comments are closed.