ମୁମ୍ବାଇ: ମଞ୍ଚରେ ବସିବା ପୂର୍ବରୁ ମୋଡ଼ି ହୋଇଗଲା ବଲିଉଡ ଅଭିନେତ୍ରୀ କିଆରା ଆଡଭାନୀଙ୍କ ଗୋଡ । ସେଠାରେ ଉପସ୍ଥିତ ଥିବା ଅଭିନେତ୍ରୀ କରୀନା କପୁରଙ୍କ ଉପରେ ପଡ଼ୁ ପଡ଼ୁ ଅଳ୍ପକେ ବର୍ତ୍ତିିଗଲେ କିଆରା । ଏବେ ଏହି ଘଟଣାର ଭିଡ଼ିଓ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି ।
ନିକଟରେ ଇଶା ଅମ୍ବାନୀଙ୍କ ସୌନ୍ଦର୍ଯ୍ୟ ଉତ୍ପାଦ ପୋର୍ଟାଲ ଟିରାର ଶୁଭାରମ୍ଭ କାର୍ଯ୍ୟକ୍ରମ ଆୟୋଜିତ ହୋଇଥିଲା । ଏହି କାର୍ଯ୍ୟକ୍ରମରେ ଅଭିନେତ୍ରୀ କରୀନା କପୁର, କିଆରା ଆଡଭାନୀ,ଅଭିନେତା ଶାହାରୁଖ ଖାନଙ୍କ ଝିଅ ସୁହାନା ଖାନ ଓ ଡିଜାଇନର ମସାବା ଗୁପ୍ତା ଯୋଗ ଦେଇଥିଲେ । ଏଥିରେ ଉପସ୍ଥାପକ ଦାୟିତ୍ୱ ସମ୍ଭାଳିଥିଲେ ଅଭିନେତା ଅର୍ଜୁନ କପୁର । ଏହି କାର୍ଯ୍ୟକ୍ରମର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଭାଇରାଲ ଭିଡ଼ିଓରେ ଦେଖିବାକୁ ମିଳିଛି ଯେ, ଏହି କାର୍ଯ୍ୟକ୍ରମରେ କରିନା କପୁର ମଞ୍ଚରେ ବସିଛନ୍ତି । ଏହି ସମୟରେ କିଆରା ମଞ୍ଚ ଉପରକୁ ଆସି ଅର୍ଜୁନ କପୁରଙ୍କୁ ଆଲିଙ୍ଗନ କରୁଛନ୍ତି । ପରେ ମଞ୍ଚରେ ବସିବା ପାଇଁ ଚେଷ୍ଟା କରୁଥିବାବେଳେ ତାଙ୍କ ଡ଼୍ରେସରେ ଗୋଡ଼ ଛନ୍ଦି ହୋଇଯିବାରୁ ଗୋଡ଼ ମୋଡ଼ି ହୋଇଯାଇଥିଲା । ପଛରେ ବସିଥିବା ଅଭିନେତ୍ରୀ କରୀନା କପୁରଙ୍କ ଉପରେ ପଡ଼ୁ ପଡ଼ୁ ଅଳ୍ପକେ ବର୍ତ୍ତିିଯାଇଥିଲେ । ଏହା ଦେଖି ଅର୍ଜୁନ ତାଙ୍କୁ ଧରିବା ପାଇଁ ହାତ ବଢ଼ାଇଥିବା ବେଳେ କିଆରା କିଭଳି ନିଜକୁ ସମ୍ଭାଳିନେଲେ ତାହା ଏହି ଭିଡ଼ିଓରେ ଦେଖିବାକୁ ମିଳିଛି ।
Comments are closed.