ମୁମ୍ବାଇ: ବଲିଉଡ୍ ଅଭିନେତ୍ରୀ ମାଧୁରୀ ଦୀକ୍ଷିତ ତାଙ୍କ ରେନେସାଁ ଟୁରରେ କାଲିଫର୍ଣ୍ଣିଆ ଯାଇଛନ୍ତି । ସେଠାରେ ସେ ସଂଗୀତଜ୍ଞ ବେୟୋନ୍ସଙ୍କ କନସର୍ଟରେ ଭାଗ ନେଇଥିଲେ । ତାଙ୍କ ସହ ସ୍ୱାମୀ ଡ ଶ୍ରୀରାମ ନେନେ ଓ ଜଣେ ସାଙ୍ଗ ବି ଯାଇଥିଲେ । ସେଠାରେ ସେ ତାଙ୍କ ସାଙ୍ଗଙ୍କ ସହ ମନଖୁସିରେ ଧୁମ୍ ନାଚିଥିଲେ । ନିକଟରେ ମାଧୁରୀ ନିଜର ଅନୁଭୂତିର କିଛି ଝଲକ ସୋସିଆଲ ମିଡ଼ିଆରେ ସେୟାର କରିଛନ୍ତି । କାଲିଫର୍ଣ୍ଣିଆ ଷ୍ଟାଡିୟମ୍ରୁ ସ୍ୱାମୀଙ୍କ ସହ ଏକ ଫଟୋ ସେୟାର କରିଛନ୍ତି । ଆଉ ଲେଖିଛନ୍ତି ‘କିଏ ବିଶ୍ୱରେ ରାଜ୍ କରୁଛନ୍ତି, ଝିଅମାନେ’ । କ୍ୱିନ ବେ ଆମ ଯାତ୍ରାର ମୁଖ୍ୟାଂଶ । ଆମ ସହ ଆପଣଙ୍କ ମ୍ୟୁଜିକ୍ ସେୟାର କରିଥିବାରୁ ବେୟୋନ୍ସଙ୍କୁ ଧନ୍ୟବାଦ । ମଞ୍ଚ ଉପରୁ ବେୟୋନ୍ସଙ୍କ ଏକ ସୁପର-ଜୁମ୍ ଫଟୋ ମଧ୍ୟ ସେ ସେୟାର କରିଛନ୍ତି ମାଧୁରୀ ।
ଭାଇରାଲ ଭିଡ଼ିଓରେ ଦେଖିବାକୁ ମିଳିଛି ଯେ, ମାଧୁରୀ ଓ ତାଙ୍କ ବନ୍ଧୁ ବେୟୋନ୍ସଙ୍କ ଲାଇଭ୍ ସଂଗୀତର ତାଳେତାଳେ ନୃତ୍ୟ କରୁଛନ୍ତି । ଏହି ଭିଡ଼ିଓକୁ ତାଙ୍କ ସ୍ୱାମୀ ରେକର୍ଡ କରିଥିଲେ । ଏହି ଭିଡ଼ିଓ ଦେଖିବା ପରେ ତାଙ୍କର ଜଣେ ପ୍ରଶଂସକ ଲେଖିଛନ୍ତି, ଏହା ଖୁବ୍ ମଜାଦାର । ଭାରତରେ ଆପଣ ବେୱାନ୍ସଙ୍କଠାରୁ ବି ଜଣେ ବଡ଼ ଷ୍ଟାର ଏ କଥା ଉକ୍ତ ଷ୍ଟାଡିୟମ୍ର ଦର୍ଶକମାନଙ୍କୁ ଜଣା ନ ଥିବ । ଆଉ ଜଣେ ଲେଖିଛନ୍ତି- ଓ ମାଇଁ ଗଡ୍! ଗୋଟିଏ ଷ୍ଟାଡିୟମ୍ରେ ଦୁଇଜଣ ତାରକା ।
Comments are closed.