ମୁମ୍ବାଇ: ଛୋଟ ପରଦାର ଲୋକପ୍ରିୟ ଅଭିନେତା ଆକାଶ ଚୌଧୁରୀଙ୍କ ଉପରକୁ ବୋତଲ ମାଡ଼ । ସେଲଫି ନେବା ପରେ ତାଙ୍କ ଉପରକୁ ବୋତଲ ମାଡ଼ କରିଛନ୍ତି ଫ୍ୟାନ୍ସ । ଏହାର ଏକ ଭିଡ଼ିଓ ଏବେ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି ।
ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ଆକାଶଙ୍କ ସହିତ ଜଣେ ଫ୍ୟାନ୍ସ ସେଲଫି ନେଉଛନ୍ତି । ସେଲଫି ନେବା ପରେ ଫ୍ୟାନ୍ସ ଜଣକ ଆକାଶଙ୍କ ଉପରକୁ ବୋତଲ ଫିଙ୍ଗୁଛନ୍ତି । ଫ୍ୟାନ୍ସଙ୍କ ଏଭଳି ଆଚରଣ ଦେଖି ଆକାଶ ଭୟଭୀତ ହୋଇଯାଉଛନ୍ତି । ସେ ଆଶ୍ଚର୍ଯ୍ୟ ହୋଇ ତାଙ୍କୁୁ ଚାହିଁ ରହିଛନ୍ତି । ଏହି ଘଟଣା ପରେ ଆକାଶ କ୍ରୋଧିତ ହୋଇ ଗାଡ଼ି କେଉଁଠି ଅଛି ବୋଲି ପଚାରି ଘଟଣାସ୍ଥଳରୁ ଚାଲି ଯାଉଛନ୍ତି । ତେବେ ଫ୍ୟାନ୍ସ ଜଣକ ଏମିତି କାହିଁକି କଲେ ତାହା ସ୍ପଷ୍ଟ ଜଣାପଡ଼ିନାହିଁ । ଏହି ଘଟଣାର ଭିଡିଓ ସୋସିଆଲ ମିଡିଆରେ ପୋଷ୍ଟ ହେବାପରେ ଅନେକ କଳାକାର ଆଶ୍ଚର୍ଯ୍ୟ ହୋଇଯାଇଛନ୍ତି ।
Comments are closed.