ମୁମ୍ବାଇ: ବହୁପ୍ରତୀକ୍ଷିତ ଫିଲ୍ମ ଟାଇଗର-୩ର ଧମାକାଦାର ଟ୍ରେଲର ରିଲିଜ୍ ତାରିଖ ଘୋଷଣା ହୋଇଛି। ସଲମାନ ଖାନଙ୍କ ଏହି ଫିଲ୍ମକୁ ଦର୍ଶକ ଉତ୍ସାହର ସହିତ ଅପେକ୍ଷା କରିଛନ୍ତି। ଆସନ୍ତା ୧୬ରେ ଫିଲ୍ମର ଟ୍ରେଲର ରିଲିଜ୍ ହେବା ନେଇ ୟସ୍ ରାଜ୍ ଫିଲ୍ମ ପକ୍ଷରୁ ସୂଚନା ଦିଆଯାଇଛି। ସୋସିଆଲ ମିଡିଆ ଏକ୍ସରେ ୟସ୍ ରାଜ୍ ଫିଲ୍ମ ଏକ ପୋଷ୍ଟ ଜାରି କରିଛି। ଯେଉଁଥିରେ ଫିଲ୍ମ ଟାଇଗର-୩ର ଟ୍ରେଲର ରିଲିଜ ତାରିଖ ସମ୍ପର୍କରେ ଉଲ୍ଲେଖ ରହିଛି।
ସୁପରଷ୍ଟାର୍ ସଲମାନ୍ ଖାନ୍ଙ୍କ ଅଭିନୀତ ସିନେମା ଟାଇଗର ୩କୁ ନେଇ ସିନେପ୍ରେମୀଙ୍କ ମଧ୍ୟରେ ଉତ୍କଣ୍ଠା ବଢ଼ିଯାଇଛି। ଫିଲ୍ମରେ ସଲମାନଙ୍କ ଜବରଦସ୍ତ ଆକ୍ସନ ରହିବ। ଏହାସହ କ୍ୟାଟ୍ରିନାଙ୍କ ସହ ସଲମାନଙ୍କ କେମେଷ୍ଟ୍ରି ଦେଖିବାକୁ ଦର୍ଶକ ଅପେକ୍ଷା କରିଛନ୍ତି। ଏହି ଫିଲ୍ମରେ ସଲମାନ, କ୍ୟାଟ୍ରିନାଙ୍କ ସହ ଇମ୍ରାନ ହାସ୍ମୀ, ରିଧି ଡୋଗ୍ରା ପ୍ରମୁଖ ଅଭିନୟ କରୁଛନ୍ତି। ଟାଇଗର-୩ ଦୀପାବଳିରେ ପ୍ରେକ୍ଷାଳୟକୁ ଆସିବ ବୋଲି ସୂଚନା ରହିଛି।
#Tiger3Trailer coming to roar louder than ever on 16th October. #Tiger3 arriving in cinemas this Diwali. Releasing in Hindi, Tamil & Telugu. #YRF50 | #YRFSpyUniverse pic.twitter.com/7KzMZA8Nx4
— Yash Raj Films (@yrf) October 4, 2023
ସଲମାନ ଖାନ ଟାଇଗର-୩ ର ଟିଜର ରିଲିଜ କରିଥିଲେ। ଟାଇଗର-୩ ର ଟିଜର ୨୭ ସେପ୍ଟେମ୍ବରରେ ମୁକ୍ତିଲାଭ କରିଛି। ଯେଉଁଥିରେ ସଲମାନଙ୍କ ଦମଦାର ଲୁକ୍ ଦେଖିବାକୁ ମିଳିଛି। ସେ ଟିଜରରେ କହିଛନ୍ତି, ମୋ ନାମ ଅବିନାଶ ସିଂ ରାଠୋର। କିନ୍ତୁ ତୁମ ସମସ୍ତଙ୍କ ପାଇଁ ମୁଁ ଟାଇଗର। ଏହି ଚଳଚ୍ଚିତ୍ରରେ ସଲମାନ ଏବଂ କ୍ୟାଟ୍ରିନା ଦୀର୍ଘ ୬ ବର୍ଷର ବ୍ୟବଧାନ ପରେ ଟାଇଗର ଏବଂ ଜୋୟା ଭୂମିକାରେ ଫେରୁଛନ୍ତି। ଏହି ଚଳଚ୍ଚିତ୍ରରେ ଇମ୍ରାନଙ୍କୁ ଏକ ନକାରାତ୍ମକ ଭୂମିକାରେ ଦେଖିବାକୁ ମିଳିବ। ଚଳଚ୍ଚିତ୍ରଟିକୁ ନିର୍ଦ୍ଦେଶନା ଦେଇଛନ୍ତି ମନୀଷ ଶର୍ମା। ଟାଇଗର-୩ ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ମୁକ୍ତିଲାଭ କରିବ।
Comments are closed.