ନୂଆଦିଲ୍ଳୀ: ସୋସିଆଲ ମିଡ଼ିଆରେ ଆମକୁ ଅନେକ ମଜାଦାର ଭିଡିଓ ଦେଖିବାକୁ ମିଳିଥାଏ । ନିକଟରେ ଭାଇରାଲ୍ ହେଉଥିବା ଏକ ଭିଡିଓରେ ଜଣେ ପୁଅ ନିଜ ମାଆଙ୍କୁ କିଭଳି ସରପ୍ରାଇଜ୍ ଦେଉଛନ୍ତି ତାହା ଦେଖିବାକୁ ମିଳିଛି । ଏହି ଭିଡିଓଟି ସମସ୍ତଙ୍କ ହୃଦୟକୁ ଛୁଇଁଯାଇଛି ।
ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ଇଣ୍ଡିଗୋ ବିମାନରେ ଜଣେ ମହିଳା ପ୍ରବେଶ କରୁଛନ୍ତି । ଏହି ସମୟରେ ବିମାନ କର୍ମଚାରୀମାନେ ତାଙ୍କୁ ଖୁସିରେ ଅଭିବାଦନ ଜଣାଉଛନ୍ତି । ପରେ ଅଚାନକ ବିମାନ ଭିତରେ ପୁଅ ଉପରେ ନଜର ପଡ଼ିଗଲା ମହିଳାଙ୍କର । ପୁଅକୁ ପାଇଲଟ୍ ପୋଷାକରେ ଦେଖି ମହିଳା ଜଣକ ଆଶ୍ଚର୍ଯ୍ୟ ହୋଇଗଲେ । ସେ ତାଙ୍କ ପୁଅ ଆଡ଼କୁ ଦୌଡ଼ିଯାଇ ତାଙ୍କୁ ଜୋରରେ ଆଲିଙ୍ଗନ କରିଥିଲେ । ସେମାନଙ୍କର ହସରେ କ୍ୟାବିନ ଭରିଗଲା । ଏହି ଭିଡ଼ିଓକୁ ଦେଖିବା ପରେ ଅନେକ ଖୁବ୍ ପସନ୍ଦ କରିଛନ୍ତି ।
ଏହି ବିମାନରେ ପାଇଲଟ୍ ଥିଲେ ବିମଲ ଶଶୀଧରନ । ସେ ତାଙ୍କ ମା’ଙ୍କୁ ଏହି ସରପ୍ରାଇଜ୍ ଦେଇଛନ୍ତି । ମାଆ ପୁଅଙ୍କ ଭେଟ ହେବାର ଭାବପ୍ରବଣ କ୍ଲିପଟିକୁ ପାଇଲଟ୍ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିବା ପରେ ଏହାକୁ ବହୁ ଗ୍ରହଣୀୟତା ମିଳିିଛି ।
Comments are closed.