ପୁରୀ: ବିପଦରେ ହାତୀଙ୍କ ଜୀବନ । ରାଜ୍ୟରେ ଅନେକ ସମୟରେ କେଉଁଠି ହାତୀ ବିଦ୍ୟୁତ ଆଘାତରେ ପ୍ରାଣ ହରାଉଥିବାବେଳେ, କେଉଁଠି କୂଅରେ ପଡି ପ୍ରାଣ ଯାଉଛି ତ ଆଉ କେଉଁଠି ଶିକାରୀମାନଙ୍କ ହାବୁଡରେ । ନିକଟରେ ବାରିପଦାର ଶିମିଳିପାଳ ଓ ରାୟଗଡାରୁ ହାତୀକୁ ମାରି ତାର ଦାନ୍ତ ବିକ୍ରି କରୁଥିବାବେଳେ, ଉଭୟ ସ୍ଥାନରୁ ମୋଟ ୯ ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିଥିଲା । ରାଜ୍ୟର ଅନେକ ସ୍ଥାନରୁ ଅନେକ ସମୟରେ ଧରାପଡି ଅଭିଯୁକ୍ତ ମାନେ ଗିରଫ ହେଉଥିଲେ ମଧ୍ୟ ଏଥିରେ କୈଣସି ପରିବର୍ତ୍ତନ ଆସୁନାହିଁ । ଆଜି ପୁଣି ସେହିପରି ସମାନ ଖବର ଆସିଛି ପୁରୀ ଜିଲ୍ଲାରୁ ।
ସୂଚନା ମୁତାବକ, ପୁରୀରୁ ହାତୀ ଦାନ୍ତ ଜବତ କରିଛି ପୋଲିସ । ଦୁଇଟି ହାତୀ ଦାନ୍ତକୁ ଜବତ କରଛି ତାଳବଣିଆ ଥାନା ପୋଲିସ। ଘଟଣାରେ ୩ ଜଣ ଅଭିଯୁକ୍ତ ଗିରଫ। ହାତୀ ଦାନ୍ତକୁ ନେଇ ଉକ୍ତ ଅଭିଯୁକ୍ତ ମାନଙ୍କ ମଧ୍ୟରେ ମୁଲଚାଲ ଚାଲୁଥିବାବେଳେ ଧରିପକାଇଥିଲା ପୋଲିସ। ଗିରଫ ଅଭିଯୁକ୍ତ ମାନେ ହେଉଛନ୍ତି ଟାଉନଥାନା ଅଞ୍ଚଳର ରାହୁଲ ସିଂହ, ଦୀପକ ଅଗ୍ରଓ୍ବାଲ୍ ଏବଂ ଶ୍ୟାମସୁନ୍ଦର ଲାଲ୍।
ଘଟଣାରେ ପୁରୀ ଡିଏଫଓଙ୍କୁ ହସ୍ତାନ୍ତର ହୋଇଛି ଜବତ ହାତୀଦାନ୍ତ। ପୁରୀ ସେଣ୍ଟ୍ରାଲ୍ ସ୍କୁଲ ପଛପଟୁ ଅଭିଯୁକ୍ତଙ୍କ ସହ ହାତୀଦାନ୍ତ ଜବତ କରିଛି ପୋଲିସ।
Comments are closed.