ପୁରୀ: ଆଜି ପୁରୀ ପୋଲିସ ରିଜର୍ଭ ପଡିଆରେ ୬୪ତମ ପୋଲିସ ସହିଦ ଦିବସ ପାଳିତ ହୋଇଯାଇଛି । ମୁଖ୍ୟ ଅତିଥି ଭାବେ ପୁରୀ ଏସପି ବିଶାଲ୍ ସିଂହ ଯୋଗଦେଇ ସହୀଦଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ଶ୍ରଦ୍ଧାସୁମନ ଅର୍ପଣ କରିବା ସହ ସହିଦ ମାନଙ୍କ ସାହାସିକତା ଉପରେ ଉଦବୋଧନ ଦେଇଥିଲେ ।
ଏଥିସହିତ ସହିଦ ମାନଙ୍କର ସ୍ମୃତି ଚାରଣ ମଧ୍ୟ କରିଥିଲେ । ଏହି ଅବସରରେ ଜନସାଧାରଣ ଓ ଦେଶ ପାଇଁ ସେବା କରି ବଳିଦାନ ଦେଇଥିବା ଯବାନ ମାନଙ୍କର ନାଁ ପାଠ କରାଯାଇଥିଲା । ପୁଲିସ ବାହିନୀ ସବୁବେଳେ ସାହସିକତାର ପରିଚୟ ଦେଇ ଜନସାଧାରଣଙ୍କର ସେବା କରି ଆସିଛି। ପୁଲିସ ସର୍ବଦା କର୍ତ୍ତବ୍ୟ ନିଷ୍ଠାର ସହ କାର୍ଯ୍ୟ କରିବାକୁ ପରାମର୍ଶ ଦେଇଛନ୍ତି ଏସପି କନୱର ବିଶାଲ ସିଂ।
ସେପଟେ ଏହି ସହିଦ ଦିବସରେ ବରିଷ୍ଠ ପୁଲିସ ଅଧିକାରୀ ମାନେ ସହିଦଙ୍କ ସ୍ମୃତିରେ ପୁଷ୍ପାଞ୍ଜଳି ଅର୍ପଣ କରିବା ସହ ସମ୍ମାନ ଜଣାଇଥିଲେ। ସହିଦ ଦିବସ ଅବସରରେ ବହୁ ଅବସର ପ୍ରାପ୍ତ ପୋଲିସଙ୍କ ସହ ବ୍ୟକ୍ତିବିଶେଷ ଯୋଗଦେଇଥିଲେ। ନିଜ ମଧ୍ୟରେ ନିଷ୍ଠା ଓ ପରୋପକାର ଆଚରଣ ନେଇ କାର୍ଯ୍ୟ କରିବାକୁ ପୁରୀ ଏସ୍ପି ପୋଲିସ ବିଭାଗକୁ ଗୁରୁ ମନ୍ତ୍ର ପ୍ରଦାନ କରିଥିଲେ ।
Comments are closed.