ଯାଜପୁର: କୁହାଯାଏ ଚୋର ଘର ସବୁବେଳେ ଅନ୍ଧାର ନଥାଏ । କେବେନା କେବେ ସେ ଧରାପଡେ । ଆଉ ଏହାର ଏକ ଉଦାହରଣ ସାମ୍ନାକୁ ଆସିଛି ଯାଜପୁର ଟାଉନ ଥାନା ଅନ୍ତର୍ଗତ ମାର୍କଣ୍ଡପୁର ଗାଁରେ । ଆଜି ଜଣଙ୍କ ଘରୁ ଚୋରୀ କରୁଥିବା ସମୟରେ ଚୋରକୁ କାବୁ କରିଛନ୍ତି ଗ୍ରାମବାସୀ । ଚୋରକୁ ମାଡ ମାରିବା ସହ ରଶି ମାଧ୍ୟମରେ ଗଛରେ ବାନ୍ଧି ଯୋତାମାଳ ବେକରେ ପକାଇ ପୋଲିସକୁ ଜିମା ଦେଲେ ।
ଖବରମୁତାବକ, ଗତ କିଛିଦିନ ହେଲା ଗାଁ ର ବିଭିନ୍ନ ଘରୁ ଲଗାତାର ଚୋରି ହେଉଥିଲା l ଚୋର ଜଣକ, ଲୋକଙ୍କ ପିତଳ ହାଣ୍ଡି, ଥାଳି, ମୋବାଇ ଫୋନ ଏମିତି ବିଭିନ୍ନ ଜିନିଷପତ୍ର ଚୋରି କରୁଥୁଲା l ଯାହାକୁ ନେଇ ଗ୍ରାମବାସୀ ମାନେ କୌଣସି ମତେ ଚୋରକୁ ଧରିବା ପାଇଁ ଅନେକ ଚେଷ୍ଟା ଚଳାଇଥିଲେ । ହେଲେ କୌଣସି ପ୍ରକାରେ ଆଜି ସକାଳୁ ଚୋରକୁ କାବୁ କରିବାରେ ସକ୍ଷମ ହୋଇଛନ୍ତି ଗ୍ରାମବାସୀ ।
ଧରାପଡିଥିବା ଚୋର ଜଣକ ହେଉଛି ସରୋତମ ସୁତାର । ତା ଘରେ ଗ୍ରାମବାସୀ ଯାଞ୍ଚ କରିବାରୁ ଚୋରି ହୋଇଥିବା ବିଭିନ୍ନ ଜିନିଷପତ୍ର ମିଳିଥିଲା । ଏହାପରେ ଗ୍ରାମବାସୀ ଚୋର ସରୋତମ ସୁତାରକୁ ଗଛରେ ବାନ୍ଧି ତା ବେକରେ ଜୋତାମାଳ ପକାଇଥିଲେ । ଏହାପରେ ପୋଲିସକୁ ଖବର ଦେଇଥିଲେ । ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ପୋଲିସକୁ ନିଜ ଜିମାକୁ ନେଇ ଘଟଣାକ ତଦନ୍ତ ଆରମ୍ଭ କରିଛି ।
Comments are closed.