ମୁମ୍ବାଇ: ଭିନ୍ନ ଅନ୍ଦାଜ୍ରେ ନିଜ ପ୍ରେମିକା ସବାଙ୍କୁ ଜନ୍ମଦିନ ଶୁଭେଚ୍ଛା ଜଣାଇଲେ ବଲିଉଡ ସୁପରଷ୍ଟାର ହ୍ରିତିକ ରୋଶନ । ଏହି ବିଶେଷ ଦିନରେ ହ୍ରିତିକ ତାଙ୍କ ଗର୍ଲଫ୍ରେଣ୍ଡ ପାଇଁ ସୋସିଆଲ ମିଡ଼ିଆରେ ଏକ ସୁନ୍ଦର ନୋଟ ମଧ୍ୟ ସେୟାର କରିଛନ୍ତି । ତାଙ୍କର ଏହି ନୋଟ ତାଙ୍କ ପ୍ରଶସଂକଙ୍କ ହୃଦୟ ଜିତିଛି ।
ହ୍ରିତିକ ସବାଙ୍କ ସହ ଏକ ସୁନ୍ଦର ଫଟୋ ସେୟାର କରି ଲେଖିଛନ୍ତି, ମୁଁ ଏପରି ଏକ ସ୍ଥାନ ଖୋଜୁଛୁ ଯେଉଁଠାରେ ନିଜକୁ ସୁରକ୍ଷିତ ଅନୁଭବ କରିପାରିବି । ସେହି ସ୍ଥାନ ଯେଉଁଠାରେ ଆମେ ଦୁହେଁ ପରସ୍ପର ପାଇଁ ଆମର ଅନୁଭବ ସେୟାର କରିପାରିବା । ଯେଉଁ ଜାଗାରେ ଆମେ ଦୁହେଁ ଚିତ୍କାର କରି ପରସ୍ପର ପ୍ରତି ଆମର ପ୍ରେମ ବ୍ୟକ୍ତ କରିପାରିବା । ମୁଁ ତୁମ ସହିତ ଘର ଭଳି ସମ୍ପୂର୍ଣ୍ଣ ଅନୁଭବ କରୁଛି । ଆମର ଯାତ୍ରା ଏଠାରୁ ଆରମ୍ଭ । ପ୍ରତ୍ୟେକ ସାଧାରଣ ଜିନିଷକୁ ସ୍ୱତନ୍ତ୍ର କରିବା ପାଇଁ ମୁଁ ତୁମଠାରୁ ଶିଖିଛି । ତୁମେ ଯେମିତି ସେମିତି ହୋଇ ରହିଥିବାରୁ ଧନ୍ୟବାଦ ।ଜନ୍ମଦିନର ଅନେକ ଅନେକ ଶୁଭେଚ୍ଛା ।
ହ୍ରିତିକଙ୍କୁ ଆଗାମୀ ଫିଲ୍ମ ‘ଫାଇଟର’ରେ ଦେଖିବାକୁ ମିଳିବ । ଆସନ୍ତା ବର୍ଷ ଗଣତନ୍ତ୍ର ଦିବସରେ ‘ଫାଇଟର’ ରିଲିଜ ହେବାକୁ ଯାଉଛି । ଅନିଲ କପୁର, କରଣ ସିଂ ଗ୍ରୋଭର, ସଞ୍ଜୀଦା ଶେଖ ପ୍ରମୁଖ ନଜର ଆସିବେ । ଅଭିନେତାଙ୍କୁ ପୁଣି ଥରେ ପରଦାରେ ଦେଖିବାକୁ ପ୍ରଶଂସକମାନେ ଉତ୍ସାହର ସହ ଅପେକ୍ଷା କରିଛନ୍ତି ।
Comments are closed.