ମୁମ୍ବାଇ: ଯବାନ ଫିଲ୍ମର ସଫଳତା ପରେ ନିର୍ଦ୍ଦେଶକ ଅଟଲୀ କୁମାର ତାଙ୍କର ଆଗାମୀ ଫିଲ୍ମ ପାଇଁ ପ୍ରସ୍ତୁତି ଆରମ୍ଭ କରିଛନ୍ତି । ଏହି ଫିଲ୍ମରେ ଥଲପତି ବିଜୟ ଓ ଶାହାରୁଖ ଖାଁଙ୍କୁ ଏକତ୍ର ଅଭିନୟ କରିବେ । ଅଟଲୀ ତାଙ୍କ ଜନ୍ମ ଦିନରେ ଏହି ଘୋଷଣା କରିଛନ୍ତି । ଉଭୟ ସୁପରଷ୍ଟାର ଏଥିନେଇ ରାଜି ହୋଇଥିବା ସେ ଖୁଲାସା କରିଛନ୍ତି । ଯବାନରେ ବିଜୟ ଅଭିନୟ କରିବେ ବୋଲି ଖବର ପ୍ରକାଶିତ ହୋଇଥିଲେ ମଧ୍ୟ ପରେ ଅବଶ୍ୟ ତାହା ମିଥ୍ୟା ପ୍ରମାଣିତ ହୋଇଥିଲା । ଶାହାରୁଖଙ୍କ ଯବାନ ଫିଲ୍ମ ଓଭରାଲ ୧୧୦୦ କୋଟି ଆୟ କରିଥିବା ବେଳେ ବିଜୟଙ୍କ ଲିୟୋ ୬୫୦କୋଟିରୁ ଅଧିକ ରୋଜଗାର କରି ସାରିଛି ।
ଉଭୟ ହୀରୋଙ୍କୁ ଏକତ୍ର ଦେଖିବା ପାଇଁ ପ୍ରଶଂସକମାନେ ବ୍ୟଗ୍ର ହୋଇ ଉଠିଛନ୍ତି । ପୂର୍ବରୁ ବିଜୟ ଓ ଅଟଲି ଥେରୀ, ମାର୍ଶାଲ ପରି ସୁପରହିଟ ଫିଲ୍ମ କରି ସାରିଛନ୍ତି । ଖୁବ ଶୀଘ୍ର ନୂତନ ଫିଲ୍ମ ନେଇ ବିଧିବଦ୍ଧ ଘୋଷଣା କରାଯିବ । ଏହା ପରେ ଷ୍ଟାର କାଷ୍ଟ ଏବଂ କେବେଠାରୁ ଶୁଟିଂ ଆରମ୍ଭ ହେବ ତାହା ସ୍ଥିର କରାଯିବ ବୋଲି ରିପୋର୍ଟ ପ୍ରକାଶ ପାଇଛି ।
Comments are closed.