‘ରୁମ ହିଟର’ ନେଲା ପୂରା ପରିବାରର ଜୀବନ

ରାଜସ୍ଥାନ: ‘ରୁମ ହିଟର’ ନେଲା ପୂରା ପରିବାରର ଜୀବନ । ରାଜସ୍ଥାନର ଅଲୱରରେ ରୁମ୍ ହିଟର ପାଇଁ ଏକ ପରିବାର ୩ଜଣକ ମୃତ୍ୟୁ ହୋଇଥିବା ଜଣାପଡ଼ିଛି । ବାପ ଓ ଝିଅ ରୁମ ଭିତରେ ପୋଡ଼ି ହୋଇ ମୃତ୍ୟୁବରଣ କରିଥିବା ବେଳେ ଡାକ୍ତରଖାନାରେ ମହିଳାଙ୍କ ମୃତ୍ୟୁ ହୋଇଛି ।

ରାଜସ୍ଥାନର ଶେଖପୁର ପୁଲିସ ଷ୍ଟେସନ ଅଞ୍ଚଳର ମୁଣ୍ଡନା ଗ୍ରାମରେ ଘଟିଛି ଏହି ଘଟଣା । ଏଠାରେ ରହୁଥିବା ଦୀପକଙ୍କର ୨ବର୍ଷ ପୂର୍ବେ ଜୟପୁରର ସଞ୍ଜୁ ଯାଦବଙ୍କ ସହ ପ୍ରେମ ବିବାହ ହୋଇଥିଲା । ଦୁଇ ମାସ ପୂର୍ବେ ସେମାନେ ଏକ କନ୍ୟା ସନ୍ତାନର ମାତାପିତା ହୋଇଥିଲେ । ଶୀତ ଅଧିକ ହେଉଥିବାରୁ ଦୀପକ ଏବଂ ସଞ୍ଜୁ ରୁମରେ ହିଟର ଲଗାଇ ଶୋଇଥିଲେ । ହଠାତ୍ ରାତିରେ ହିଟରରୁ ନିଆଁ ଲାଗିଯାଇଥିଲା । ଶୋଇବା ସମୟରେ ଏହି ଘଟଣା ଘଟିଥିବାରୁ ଦୀପକ ଏବଂ ତାଙ୍କ ଝିଅ ନିଶିକାଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା । ଅନ୍ୟପକ୍ଷରେ ସଞ୍ଜୁଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଯାଇଛି ।