ଲକ୍ଷ୍ନୌ: ବନ୍ଦ ଘରୁ ମିଳିଲା ୟୁପି ସୁଲତାନପୁରର ସ୍ଥାନୀୟ ଗାୟକ ତଥା ଅଭିନେତ୍ରୀ ମଲ୍ଲିକା ରାଜପୁତଙ୍କ ଝୁଲନ୍ତା ମୃତଦେହ । ଗଣମାଧ୍ୟମ ରିପୋର୍ଟ ଅନୁଯାୟୀ, ମଲ୍ଲିକା ତାଙ୍କ ସୁଲତାନପୁରସ୍ଥିତ ବାସଭବନରେ ଆତ୍ମହତ୍ୟା କରିଛନ୍ତି । ମଲ୍ଲିକାଙ୍କ ଆତ୍ମହତ୍ୟା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି | ବର୍ତ୍ତମାନ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ପୋଷ୍ଟ ମର୍ଟମ ପାଇଁ ପଠାଇଛି ।
ଖବର ଅନୁଯାୟୀ, ମଲ୍ଲିକାଙ୍କର ତାଙ୍କ ପରିବାର ସଦସ୍ୟଙ୍କ ସହ କିଛି ପ୍ରସଙ୍ଗକୁ ନେଇ ବିବାଦ ଉପୁଜିଥିଲା । ଏହା ପରେ ପୋଲିସକୁ ଡକାଯାଇ ସେହି ବିବାଦର ସମାଧାନ ହୋଇଥିଲା । କିନ୍ତୁ ଏବେ ଅଭିନେତ୍ରୀଙ୍କ ଆତ୍ମହତ୍ୟା ପାଇଁ ସନ୍ଦେହ ଘେରରେ ଅଛନ୍ତି ତାଙ୍କ ପରିବାର ଲୋକ । ମଲ୍ଲିକା ଜଣେ ଗାୟିକା ସହ ଏକ ଅଭିନେତ୍ରୀ ମଧ୍ୟ ଥିଲେ । ମଲ୍ଲିକା ଚଳଚ୍ଚିତ୍ର ‘ରିଭୋଲଭର ରାନୀ’ରେ କଙ୍ଗନା ରାନାୱତଙ୍କ ସହ ନଜର ଆସିଥିଲେ । ଏହା ବ୍ୟତୀତ ମଲ୍ଲିକା ଅନେକ ସିରିଜ୍, ଆଲବମ୍ ଏବଂ ସିରିଏଲରେ ମଧ୍ୟ ଅଭିନୟ କରିଛନ୍ତି |
Comments are closed.