ରାଜକୋଟ: ଇଂଲଣ୍ଡ ବିପକ୍ଷ ତୃତୀୟ କ୍ରିକେଟ ଟେଷ୍ଟର ପ୍ରଥମ ଦିବସ ଖେଳ ଶେଷ ସୁଦ୍ଧା ଭାରତ ୫ ୱିକେଟ ବିନିମୟରେ ୩୨୬ ରନ କରି ଭଲ ସ୍ଥିତିରେ ରହିଛି । ଅଧିନାୟକ ରୋହିତ ଶର୍ମା ଓ ରବୀନ୍ଦ୍ର ଜାଡେଜା ଶତକ ହାସଲ କରଛନ୍ତି । ଷ୍ଟମ୍ପସ ଅପସାରଣ ବେଳକୁ ଜାଡେଜା ୧୧୦ ଓ କୁଲଦୀପ ଯାଦବ ୧ ରନ କରି ଅପରାଜିତ ଅଛନ୍ତି । ରୋହିତ ୧୩୧ ରନ କରିଥିବା ବେଳେ ସର୍ଫରାଜ ଖାଁ ପଦାର୍ପଣ ଟେଷ୍ଟରେ ଆକର୍ଷଣୀୟ ୬୨ ରନ କରି ରନ ଆଉଟ ହୋଇଥିଲେ । ରୋହିତଙ୍କ ଏହା କ୍ୟାରିୟରର ୧୧ତମ ଶତକ ଥିଲା । ଅନ୍ୟମାନଙ୍କ ମଧ୍ୟରେ ଯଶସ୍ୱୀ ଜୈସୱାଲ (୧୦) ଓ ଶୁଭମନ ଗିଲ ଖାତା ଖୋଲି ନ ପାରି ପ୍ୟାଭିଲିୟନ ଫେରିଯାଇଛନ୍ତି ।
୩୩ ରନରେ ୩ଟି ୱିକେଟ ହରାଇ ଟିମ ଇଣ୍ଡିଆ ବିପଦରେ ପଡିଥିବା ବେଳେ ରୋହିତ ଓ ଜାଡେଜା ୪ର୍ଥ ୱିକେଟରେ ୨୦୪ ରନ ଯୋଗ କରିଥିଲେ । ମାର୍କ ଉଡ ଇଂଲଣ୍ଡ ପକ୍ଷରୁ ସର୍ବାଧିକ ୩ଟି ୱିକେଟ ନେଇଥିବା ବେଳେ ଟମ ହାର୍ଟଲେ ଗୋଟିଏ ୱିକେଟ ନେଇଛନ୍ତି । ଟସ ଜିତି ଭାରତ ପ୍ରଥମେ ବ୍ୟାଟିଂ କରିବା ପାଇଁ ନିଷ୍ପତି ନେଇଥିଲା । ୫ ମ୍ୟାଚ ବିଶିଷ୍ଟ ସିିରିଜରେ ଉଭୟ ଟିମ ଗୋଟିଏ ଲେଖାଏଁ ମ୍ୟାଚରେ ବିଜୟୀ ହୋଇଛନ୍ତି ।
Comments are closed.