‘ହିନ୍ଦୁଙ୍କୁ ହତ୍ୟା କରିବାକୁ ତାଲିକା ପ୍ରସ୍ତୁତ କରୁଥିବା ପିଏଫଆଇକୁ ସମର୍ଥନ କରୁଛନ୍ତି ରାହୁଲ’

ନୂଆଦିଲ୍ଲୀ: ଦେଶରେ ଏପ୍ରିଲ ୧୯ ତାରିଖରୁ ଜୁନ୍ ୧ ପର୍ଯ୍ୟନ୍ତ ୭ଟି ପର୍ଯ୍ୟାୟରେ ଲୋକସଭା ନିର୍ବାଚନ ଅନୁଷ୍ଠିତ ହେବ । ଦେଶର ବିଭିନ୍ନ ରାଜନୈତିକ ଦଳଗୁଡ଼ିକ ପକ୍ଷରୁ ଆରମ୍ଭ ହୋଇଯାଇଛି ନିର୍ବାଚନୀ ପ୍ରଚାର । ଏହା ଭିତରେ ଦଳୀୟ ପ୍ରାର୍ଥୀ ପାଇଁ ଭୋଟ ଭିକ୍ଷା କରିବା ସହ ପ୍ରଚାର ମୈଦାନରୁ କାଦୁଅ ଫିଙ୍ଗା ରାଜନୀତି ମଧ୍ୟ ଆରମ୍ଭ ହୋଇଛି । ଯାହାକୁ ନେଇ ରାହୁଲ ଗାନ୍ଧୀଙ୍କ ଉପରେ ଖୁବ୍ ବର୍ଷିଛନ୍ତି ବିଜେପି ସାଂସଦ ତଥା କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ ।

ସ୍ମୃତି ଇରାନୀ କହିଛନ୍ତି ଯେ, ରାହୁଲ ଗାନ୍ଧୀ ୱାୟନାଡରେ ନିର୍ବାଚନ ଲଢିବା ପାଇଁ ହିନ୍ଦୁମାନଙ୍କୁ ହତ୍ୟା କରିବା ପାଇଁ ତାଲିକା ପ୍ରସ୍ତୁତ କରୁଥିବା ପିଏଫଆଇ ର ସମର୍ଥନ ନେଇଛନ୍ତି । ହେଲେ କାହିଁକି ରାହୁଲ ଗାନ୍ଧୀ ଏଭଳି ସଂଗଠନର ସାହାଯ୍ୟରେ ନିର୍ବାଚନ ଲଢିବାକୁ ଚାହୁଁଛନ୍ତି ବୋଲି ସେ ପ୍ରଶ୍ନ କରିଛନ୍ତି ।

ସ୍ମୃତି ଇରାନୀ ଆହୁରି କହିଛନ୍ତି, ମୋଦି ଜୀ ଆମେଠିରେ ୧୯ ଲକ୍ଷ ଲୋକଙ୍କୁ ରାସନ ଯୋଗାଇଛନ୍ତି । ତେବେ ଗାନ୍ଧୀ ପରିବାରର ଏପରି ପରିବାରକୁ କ’ଣ ବାର୍ତ୍ତା ଦେବେ ଯେଉଁ ପରିବାର ମୋଦି ସରକାରଙ୍କ କାରଣରୁ ମାଗଣା ରାସନ ପାଇଛନ୍ତି । ସେହିପରି ଆମେଠି ଲୋକସଭା କ୍ଷେତ୍ରରେ ପ୍ରାୟ ୪ ଲକ୍ଷ ୨୦ ହଜାର କୃଷକଙ୍କ ବ୍ୟାଙ୍କ ଆକାଉଣ୍ଟକୁ ପ୍ରତିବର୍ଷ ୬ ହଜାର ଟଙ୍କା ପଠାଉଛନ୍ତି, ତେବେ ଗାନ୍ଧୀ ପରିବାର ଏପରି କୃଷକ ପରିବାର ବିଷୟରେ କେଉଁ ବାର୍ତ୍ତା ଦେବେ ବୋଲି ସେ ପ୍ରଶ୍ନ କରିଛନ୍ତି ।

ସେ ଆହୁରି କହିଛନ୍ତି, ପ୍ରଥମ ଥର ପାଇଁ ମୁଁ ଦେଖିଛି ଯେ କେହି ଜଣେ ନିଜ ପରିବାରକୁ ମଧ୍ୟ ପରିବର୍ତ୍ତନ କରନ୍ତି, ରାହୁଲ ଗାନ୍ଧୀ ଜି କହିଛନ୍ତି ଯେ ୱାୟାନାଡର ଲୋକମାନେ ବିଶ୍ୱସ୍ତ, ତେବେ ଆମେଠି ବିଷୟରେ ସେ କ’ଣ କହିବେ ବୋଲି ସ୍ମୃତି ପ୍ରଶ୍ନ କରିଛନ୍ତି ।