ଗଜପତି : ମହୁମାଛି ଆକ୍ରମଣରେ ଗୋଟିଏ ପରିବାରର ୪ ସଦସ୍ୟ ଆହତ ହୋଇଥିବା ସୂଚନା ରହିଛି। ଗଜପତି ଜିଲ୍ଲା ମୋହନା ଥାନା ଛତାଭରି ଗାଁ ନିକଟରେ ଘଟିଛି ଏହି ଘଟଣା। ଏହି ଘଟଣାରେ ଆଉ ଦୁଇ ଜଣେ ପଥଚାରୀ ମଧ୍ୟ ଶିକାର ହୋଇଛନ୍ତି। ୬ ଜଣଙ୍କ ମଧ୍ୟରୁ ୩ ଜଣଙ୍କ ଅବସ୍ଥା ଗୁରୁତର ରହିଛି। ଛତାଭରି ନିକଟରେ କାର୍ରୁ ବାହାରକୁ ଆସିଲା ବେଳେ କାମୁଡ଼ିଲେ
ମହୁମାଛି। ଏହି ଘଟଣାରେ ସମସ୍ତେ ମେଡିକାଲ୍ରେ ଭର୍ତ୍ତି ଅଛନ୍ତି।
ସୂଚନା ଅନୁସାରେ ଗୋଟିଏ ପରିବାର ୪ ଜଣ ସଦସ୍ୟ କାରରେ ବ୍ରହ୍ମପୁରରୁ ମୋହନା ଅଭିମୁଖେ ଯାଉଥିଲେ। ଛତାଭରି ଗାଁ ନିକଟରେ ପରିସ୍ରା ଯିବା ପାଇଁ ସେମାନେ କାର୍କୁ ଏକ ଗଛ ମୂଳରେ ରଖିଥିଲେ। ସେମାନେ କାରରୁ ଓହ୍ଲାଇବା କ୍ଷଣି ମହୁମାଛି ସେମାନଙ୍କୁ ଆକ୍ରମଣ କରିଥିଲେ। ଏହା ସହିତ ସେହି ରାସ୍ତା ଦେଇ ସେତେବେଳେ ଯାଉଥିବା ଅନ୍ୟ ଦୁଇ ଜଣ ଲୋକଙ୍କୁ ମହୁମାଛି ଆକ୍ରମଣ କରିଥିଲା। ସମସ୍ତ ଆହତଙ୍କୁ ମୋହନା ଡାକ୍ତରଖାନାରେ ଭର୍ତ୍ତି କରାଯାଇଛି। ବର୍ତ୍ତମାନ ସମସ୍ତେ ଚିକିତ୍ସିତ ହେଉଛନ୍ତି।
Comments are closed.