ଦେଖନ୍ତୁ ଭିଡ଼ିଓ: ଚଳନ୍ତା ଟ୍ରେନରୁ ଖସି ପଡିଥିଲେ ଜଣେ ଯୁବକ, ମୃତ୍ୟୁମୁଖରୁ ଟାଣିଆଣିଲେ ‘ଆରପିଏଫ’ ଯବାନ

କୋଏମ୍ବାଟୁର: ଦ୍ରୁତଗତିରେ ଟ୍ରେନଟିଏ ଚାଲୁଥିଲା ବେଳେ ଜଣେ ଯୁବକ ବଗିରେ ଚଢିବାକୁ ଚେଷ୍ଟା କରୁଥିଲେ । ମାତ୍ର, ଦେଖୁ ଦେଖୁ ଖସିପଡ଼ିଲେ ଚଳନ୍ତା ଟ୍ରେନରୁ । ଟ୍ରେନ ଚକା ତଳେ ପଡ଼ି ପ୍ରାଣ ହରାଉଥିବାର ଏକ ନିଶ୍ଚିତ ମୃତ୍ୟୁମୁଖରୁ ଉଦ୍ଧାର କଲେ ସେଠାରେ ଉପସ୍ଥିତ ଥିବା ଜଣେ ଆରପିଏଫ ଜବାନ ।

#WATCH Railway Protection Force (RPF) personnel saved a passenger from slipping under a moving train at Coimbatore railway station earlier today pic.twitter.com/UKCk8vqSCO

— ANI (@ANI) October 26, 2019

ଏହି ଘଟଣାଟି ଘଟିଛି ତାମିଲନାଡୁ ରାଜ୍ୟର କୋଏମ୍ବାଟୁର୍ ରେଲୱେ ଷ୍ଟେସନରେ । ଟ୍ରେନରେ ଚଢୁଥିବା ବେଳେ ଖସିପଡୁଥିବା ବ୍ୟକ୍ତି ଜଣକଙ୍କୁ କିପରି ଭଗବାନ ହୋଇ ମୃତ୍ୟୁ ମୁଖରୁ ବଞ୍ଚାଇଥିଲେ ରେଲୱେ ପ୍ରୋଟେକ୍ସନ ଫୋର୍ସର ଜଣେ ଯବାନ ଏହାକୁ ନେଇ ଏବେ ସବୁଆଡ଼େ ଚର୍ଚ୍ଚା ।

ସୋସିଆଲ୍ ମିଡ଼ିଆରେ ଏହାର ଭିଡ଼ିଓ କ୍ଲିପ ଭାଇରାଲ୍ ହେବାରେ ଲାଗିଛି ।