ଶାହ ଏବଂ ପୂର୍ବତନ ରାଜ୍ୟପାଳଙ୍କ ଭିଡିଓକୁ ନେଇ ବିଭିନ୍ନ କଳ୍ପନାଜଳ୍ପନା, ସ୍ପଷ୍ଟୀକରଣ ରଖିଲେ ତାମିଲସାଇ

ନୂଆଦିଲ୍ଲୀ: ଅମିତ ଶାହା ତାମିଲିସାଇଙ୍କ ସହ କଥା ବାର୍ତ୍ତା କରୁଥିବାର ଏକ ଭିଡିଓ ଭାଇରାଲ ହେଉଛି। ଯେଉଁଥିରେ ତାମିଲନାଡୁ ବିଜେପିରେ କୌଣସି ମତଭେଦକୁ ନେଇ ଚାଲିଥିବା କଳ୍ପନାଜଳ୍ପନା ହେଉଛି। ଏବେ ଏହାକୁ ନେଇ ତେଲେଙ୍ଗାନାର ପୂର୍ବତନ ରାଜ୍ୟପାଳ ତାମିଲିସାଇ ସୌନ୍ଦରରାଜନ ଗୁରୁବାର ସ୍ପଷ୍ଟୀକରଣ ରଖିଛନ୍ତି।

ତାମିଲିସାଇ କହିଛନ୍ତି ଯେ ସେ ନିର୍ବାଚନ ପରବର୍ତ୍ତୀ ସ୍ଥିତି ବିଷୟରେ ଆଲୋଚନା କରୁଥିଲେ। ୨୦୨୪ ନିର୍ବାଚନ ପରେ ବୁଧବାର ପ୍ରଥମ ଥର ପାଇଁ ଅମିତ ଶାହଙ୍କୁ ଭେଟିଥିଲେ ବୋଲି କହିଛନ୍ତି। ଶାହ ନିର୍ବାଚନ ପରବର୍ତ୍ତୀ ସ୍ଥିତି ଏବଂ ସମ୍ମୁଖୀନ ହେଉଥିବା ଆହ୍ୱାନ ବିଷୟରେ ପଚାରିଥିଲେ। ଯେହେତୁ ସେ ବିସ୍ତୃତ ଭାବରେ କହୁଥିଲେ, ତାହା ଅତ୍ୟନ୍ତ ଚିନ୍ତାର ସହ ସମୟ ଅଭାବରୁ ସେ ମୋତେ ରାଜନୈତିକ ଏବଂ ନିର୍ବାଚନ ମଣ୍ଡଳୀ କାର୍ଯ୍ୟକୁ ଗଭୀର ଭାବରେ କରିବାକୁ ପରାମର୍ଶ ଦେଇଥିଲେ।

ତାମିଲନାଡୁରେ ଲୋକସଭା ନିର୍ବାଚନରେ ଦଳର ଖରାପ ପ୍ରଦର୍ଶନ ପରେ ତାମିଲିସାଇ ଏବଂ ବିଜେପି ରାଜ୍ୟ ସଭାପତି କେ ଆନ୍ନାମଲାଇଙ୍କ ମଧ୍ୟରେ ଆଭ୍ୟନ୍ତରୀଣ ମତଭେଦ ହୋଇଥିବା ନେଇ ପୂର୍ବରୁ ଅନେକ ଖବର ପ୍ରକାଶ ପାଇଛି। ତାମିଲିସାଇ ମାର୍ଚ୍ଚ ମାସରେ ରାଜ୍ୟପାଳ ପଦରୁ ଇସ୍ତଫା ଦେଇ ଚେନ୍ନାଇ ଦକ୍ଷିଣ ସଂସଦୀୟ କ୍ଷେତ୍ରରେ ନିର୍ବାଚନ ଲଢ଼ି ପରାଜିତ ହୋଇଛନ୍ତି।

କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଏବଂ ତେଲେଙ୍ଗାନାର ପୂର୍ବତନ ରାଜ୍ୟପାଳ ତାମିଲିସାଇ ସୌନ୍ଦରରାଜନଙ୍କ ମଧ୍ୟରେ ଏକ ସଂକ୍ଷିପ୍ତ କଥାବାର୍ତ୍ତାର ଏକ ଭିଡିଓ ବୁଧବାର ସୋସିଆଲ ମିଡିଆରେ ଭାଇରାଲ ହେବା ପରେ ଏହି ବିବାଦ ଅଧିକ ଦୃଷ୍ଟି ଆକର୍ଷଣ କରିଥିଲା।

ଏହି ଭିଡିଓରେ ପୂର୍ବତନ ଉପରାଷ୍ଟ୍ରପତି ଭେଙ୍କେୟା ନାଇଡୁ ଏବଂ କେନ୍ଦ୍ରମନ୍ତ୍ରୀ ଜେପି ନଡ୍ଡା ଓ ନୀତିନ ଗଡ଼କରୀ ନିକଟରେ ବସିଥିବା ବେଳେ ତାମିଲିସାଇଙ୍କ ସହ କଥା ବାର୍ତ୍ତା କରୁଥିବା ବେଳେ ଶାହା ଆଙ୍ଗୁଠି ଉଠାଉଥିବା ଦେଖିବାକୁ ମିଳିଛି। ବିଜୟୱାଡ଼ାରେ ଚନ୍ଦ୍ରବାବୁ ନାଇଡୁଙ୍କ ଶପଥ ଗ୍ରହଣ ଉତ୍ସବରେ ଏହା ଘଟିଛି।