ନୟାଗଡ଼: ଦୀର୍ଘ ୨୫ ବର୍ଷ ପରେ ବିଜେଡି କ୍ଷମତା ହରାଇବା ପରେ ଦଳୀୟ ନେତାମାନେ ନିୟମ ଉଲ୍ଲଂଘନ କରି ବ୍ୟକ୍ତିଗତ ଫାଇଦା ପାଇଁ ପ୍ରଶାସନକୁ ହଇରାଣ କରୁଥିବା ଅଭିଯୋଗ ସାମ୍ନାକୁ ଆସୁଛି। ସଦ୍ୟତମ ଅଭିଯୋଗ ଆସିଛି ନୟାଗଡ଼ ଭାପୁର ବ୍ଲକଉପାଧ୍ୟକ୍ଷ ବେଣୁଧର ପ୍ରଧାନ ଓ ସେହି ବ୍ଲକର ଅଧ୍ୟକ୍ଷା ତାଙ୍କ ପତ୍ନୀ।
ମିଳିଥିବା ସୂଚନା ଅନୁଯାୟୀ, କସିଆ ପାହାଡ଼ରେ ଥିବା ନୟାଗଡ଼ ଜିଲ୍ଲାର ସର୍ବବୃହତ ପଥର ଖଣିର ଲିଜଧାରୀ ହେଉଛନ୍ତି ବେଣୁଧର ପ୍ରଧାନ। ପଥର ବୋଝେଇ ଟ୍ରକ୍ ଗାଁ ରାସ୍ତାରେ ୨୪ ଘଣ୍ଟିଆ ଚଳାଚଳ କରି ଘୋର ବାୟୁ ପ୍ରଦୂଷଣ ସୃଷ୍ଟି କରୁଥିବାରୁ ନିକଟସ୍ଥ ନିମଣି ପଂଚାୟତବାସିନ୍ଦାଙ୍କ ପାଇଁ ଏହି ଖଣି ଏକ ଗୁରୁତ୍ୱପୂର୍ଣ୍ଣ ସମସ୍ୟା ପାଲଟିଛି । ଘର ଓ ଚାଷ ଜମିକୁ ଧୂଳିର ସ୍ତର ଘେରି ରହିଥିବାରୁ ମାଟିର ଉର୍ବରତା ଓ ଉତ୍ପାଦନ ହ୍ରାସ ପାଇବା ସହ କୃଷକମାନେ ଗୁରୁତର ଭାବେ ପ୍ରଭାବିତ ହେଉଛନ୍ତି। ଲଗାତାର ଭାରୀ ଯାନ ଚଳାଚଳ ଯୋଗୁଁ ମଧ୍ୟ କ୍ଷୟକ୍ଷତି ହୋଇଛି।
ଗ୍ରାମବାସୀଙ୍କ ଅଭିଯୋଗ ଅନୁଯାୟୀ, ସେମାନଙ୍କ ସମସ୍ୟାକୁ ଅଣଦେଖା କରାଯାଇ ଏବେ ଆନ୍ଦୋଳନ ପାଇଁ ପ୍ରସ୍ତୁତ ହେଉଛନ୍ତି। ସେମାନେ ବେଆଇନ ଭାବେ ଆମ ଜଙ୍ଗଲ ଜମି ଖନନ କରୁଛନ୍ତି। ଯଦି ପ୍ରଶାସନ ଖଣି ବନ୍ଦ ପାଇଁ ଆମ ଦାବି କୁ ନ ଶୁଣେ ତେବେ ଆମେ ଆନ୍ଦୋଳନ କରିବୁ ବୋଲି ନିମଣି ପଞ୍ଚାୟତର ଫକୀର ପରିଡ଼ା କହିଛନ୍ତି।
ଜଙ୍ଗଲ ଜମିରେ ବେଆଇନ ଭାବେ ଖଣିକୁ ରାସ୍ତା ନିର୍ମାଣ କରାଯାଇ ଧାର୍ଯ୍ୟ ସୀମାଠାରୁ ଅଧିକ ପଥର ଖନନ କରାଯାଉଥିବା ସ୍ଥାନୀୟ ବାସିନ୍ଦା ଅଭିଯୋଗ କରିଛନ୍ତି।
୨୦୧୭ମସିହାରେ ବ୍ରୁତାଙ୍ଗ ପ୍ରକଳ୍ପର ସଂରକ୍ଷିତ ଜଙ୍ଗଲ ଗଛରେ ଆଚ୍ଛାଦିତ ହୋଇଥିଲା। ତେବେ ୨୦୨୪ ବେଳକୁ ଖଣିକୁ ଯାଉଥିବା ଜଙ୍ଗଲ ଜମିରେ ରାସ୍ତା ନିର୍ମାଣ ହୋଇଥିଲା। ନୟାଗଡ଼ ଡିଏଫଓ କ୍ଷୀମା ଷଡ଼ଙ୍ଗୀ ଗତ ଫେବ୍ରୁଆରି ୩ ତାରିଖରେ ନୟାଗଡ଼ ଜିଲ୍ଲାପାଳ, ଖଣି ଅଧିକାରୀ ଓ ପିସିସିଏଫଙ୍କୁ ଚିଠି ଲେଖି ଏହି ଉଲ୍ଲଂଘନ ସମ୍ପର୍କରେ ଅବଗତ କରାଇଥିଲେ। ନୟାଗଡ଼ ବନ ବିଭାଗ ଓ ଭାପୁର ତହସିଲ ପକ୍ଷରୁ କରାଯାଇଥିବା ତଦନ୍ତରୁ ଭାରତୀୟ ଜଙ୍ଗଲ ଆଇନ ଅନୁଯାୟୀ ମାମଲା ରୁଜୁ ହୋଇଥିବା ଚିଠିରେ ଉଲ୍ଲେଖ କରାଯାଇଛି।
ମାମଲା ରୁଜୁ ହେବାର ୫ ମାସ ବିତିଯାଇଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ। ଏହା ଭାରତୀୟ ଜଙ୍ଗଲ ଆଇନ ଉଲ୍ଲଂଘନ ମାମଲା ହୋଇଥିବାରୁ ଆମେ ଏକ ମାମଲା ରୁଜୁ କରି ଉଚ୍ଚ କର୍ତ୍ତୃପକ୍ଷଙ୍କୁ ଜଣାଇଥିଲୁ। ଏ ନେଇ ଜିଲ୍ଲା ପ୍ରଶାସନ ଓ ଖଣି ଅଧିକାରୀଙ୍କ ନିଷ୍ପତ୍ତି ନିଆଯିବ ବୋଲି ନୟାଗଡ଼ ଡିଏଫଓ କ୍ଷୟାମ ଷଡ଼ଙ୍ଗୀ କହିଛନ୍ତି।
ଜିଲ୍ଲାପାଳ ସ୍ୱାଧୀନଦେବ ସିଂ କହିଛନ୍ତି, କେତେ ଅଧିକ ଖନନ ହୋଇଛି ତାହାର ତଦନ୍ତ କରାଯିବ। କ୍ଷେତ୍ରୀୟ ତଦନ୍ତ ପରେ ଆମେ କାର୍ଯ୍ୟାନୁଷ୍ଠାନ ଗ୍ରହଣ କରିବୁ।
Comments are closed.