ଆସନ୍ତା ମାସରୁ ମହଙ୍ଗା ହେବ କାର୍

ନୂଆଦିଲ୍ଲୀ: ମହିନ୍ଦ୍ରା ଏଣ୍ଡ ମହିନ୍ଦ୍ରା ଏସୟୁଭି(suv) ଏବଂ କମର୍ସିଆଲ ଯାନର ମୂଲ୍ୟ ଆସନ୍ତା ବର୍ଷ ଜାନୁୟାରୀ ଠାରୁ ତିନି ପ୍ରତିଶତ ପର୍ଯ୍ୟନ୍ତ ବୃଦ୍ଧି କରିବ। ମହିନ୍ଦ୍ରା ଏଣ୍ଡ ମହିନ୍ଦ୍ରା (ଏମ ଆଣ୍ଡ ଏମ) ତରଫରୁ କୁହାଯାଇଛି ଯେ, ମୂଲ୍ୟ ବୃଦ୍ଧିର କାରଣ ହେଉଛି କମୋଡିଟି ବସ୍ତୁର ମୂଲ୍ୟବୃଦ୍ଧି ଓ ମହଙ୍ଗା ମାଡ । ଯଥାସମ୍ଭବ ଅତିରିକ୍ତ ଖର୍ଚ୍ଚ କମ୍ କରିବାକୁ ଚେଷ୍ଟା କରିଛି ବୋଲି କମ୍ପାନୀ କହିଛି। ତଥାପି, ଏହି ବୃଦ୍ଧିର ଏକ ଅଂଶ ଗ୍ରାହକଙ୍କୁ ଦେବାକୁ ପଡିବ | ପ୍ରମୁଖ ଯାନ କମ୍ପାନୀ କହିଛି ଯେ, ବିଭିନ୍ନ ଏସୟୁଭି ଏବଂ କମର୍ସିଆଲ ଯାନରେ ମୂଲ୍ୟ ବୃଦ୍ଧି ତିନି ପ୍ରତିଶତ ପର୍ଯ୍ୟନ୍ତ ରହିବ।

ଏମଜି ମୋଟରର ମଧ୍ୟ ମୂଲ୍ୟ ବୃଦ୍ଧି ହେବ

JSW MG ମୋଟର ଇଣ୍ଡିଆ ମଧ୍ୟ ନିଜର ଯାନବାହାନର ବିଭିନ୍ନ ମଡେଲର ମୂଲ୍ୟ ଜାନୁଆରୀରୁ ତିନି ପ୍ରତିଶତ ପର୍ଯ୍ୟନ୍ତ ବୃଦ୍ଧି କରିବ | କମ୍ପାନୀ ଏକ ବିବୃତ୍ତିରେ କହିଛି ଯେ, ମୂଲ୍ୟ ବୃଦ୍ଧି କାରଣ ହେଉଛି କାର ପାଟର୍ସର ମୂଲ୍ୟ ବୃଦ୍ଧି ଏବଂ ଅନ୍ୟାନ୍ୟ ବାହ୍ୟ କାରଣ ରହିଛି । ଜେଏସଡବ୍ଲ୍ୟୁ ଏମଜି ମୋଟର ଇଣ୍ଡିଆର ମୁଖ୍ୟ କମର୍ସିଆଲ ଅଧିକାରୀ କହିଛନ୍ତି ଯେ, ଗୁଣବତ୍ତା,ନବସୃଜନ ଏବଂ ସ୍ଥାୟୀତ୍ୱ ପ୍ରତି ଆମର ଉତ୍ସର୍ଗୀକୃତତା ପ୍ରାଥମିକତା ଅଟେ ଏବଂ ଆମକୁ କ୍ରମାଗତ ଭାବରେ ଆମର ଅଫରକୁ ଉନ୍ନତ କରିବାକୁ ପ୍ରେରିତ କରେ | ଏପଟେ କଞ୍ଚାମାଲର ମୂଲ୍ୟର ବୃଦ୍ଧି ହେଉଛି ସେଥିପାଇଁ ସାମାନ୍ୟ ମୂଲ୍ୟ ବୃଦ୍ଧି ଅପରିହାର୍ଯ୍ୟ | ”

ସୁଜୁକି ଏବଂ ହୁଣ୍ଡାଇ କାର ମଧ୍ୟ ମହଙ୍ଗା ହେବ

ଅପରେଟିଂ ଖର୍ଚ୍ଚର ପ୍ରଭାବକୁ କମାଇବା ପାଇଁ ମାରୁତି ସୁଜୁକି ଇଣ୍ଡିଆ ଜାନୁଆରୀରୁ ଯାନବାହନର ମୂଲ୍ୟରେ ବୃଦ୍ଧି ଘୋଷଣା କରିଛି | ଜାନୁଆରୀରୁ ସୁଜୁକି ଏହାର ବିଭିନ୍ନ ମଡେଲର ମୂଲ୍ୟ ଚାରି ପ୍ରତିଶତ ପର୍ଯ୍ୟନ୍ତ ବୃଦ୍ଧି କରିବ |ମାରୁତି ସୁଜୁକି ସେୟାର ମାର୍କେଟକୁ ଦେଇଥିବା ସୂଚନାରେ କହିଛନ୍ତି ଯେ, କଞ୍ଚାମାଲର ମୂଲ୍ୟ ଏବଂ ଅପରେଟିଂ ଖର୍ଚ୍ଚକୁ ଦୃଷ୍ଟିରେ ରଖି କମ୍ପାନୀ ଜାନୁୟାରୀ ୨୦୨୫ରୁ କାରର ମୂଲ୍ୟ ବୃଦ୍ଧି କରିବାକୁ ଯୋଜନା କରିଛି। ମୂଲ୍ୟ ବୃଦ୍ଧି ଚାରି ପ୍ରତିଶତ ପର୍ଯ୍ୟନ୍ତ ହେବ ଏବଂ ମଡେଲକୁ ଦେଖି ଏହା ଭିନ୍ନ ଭିନ୍ନ ରହିବ |

ଆହୁରି ମଧ୍ୟ କୁହାଯାଇଛି ଯେ “କମ୍ପାନୀ କ୍ରମାଗତ ଭାବରେ ଖର୍ଚ୍ଚକୁ ଅପ୍ଟିମାଇଜ୍ କରିବାକୁ ଏବଂ ଗ୍ରାହକଙ୍କ ଉପରେ ଏହାର ପ୍ରଭାବକୁ କମ୍ କରିବାକୁ ଚେଷ୍ଟା କରୁଥିବାବେଳେ ବର୍ଦ୍ଧିତ ଖର୍ଚ୍ଚର କିଛି ଅଂଶ ବଜାରକୁ ଦେବାକୁ ପଡିପାରେ ।

ଏହା ବ୍ୟତୀତ, ହୁଣ୍ଡାଇ ମୋଟର ଇଣ୍ଡିଆ ମଧ୍ୟ ଜାନୁଆରୀ ପହିଲାରୁ ନିଜ ଯାନବାହାନର ମୂଲ୍ୟ ୨୫,୦୦୦୦ ଟଙ୍କା ପର୍ଯ୍ୟନ୍ତ ବୃଦ୍ଧି କରିବାକୁ ଘୋଷଣା କରିଛି। ବିଭିନ୍ନ ବିଳାସପୂର୍ଣ୍ଣ ଯାନ ନିର୍ମାତା ମର୍ସିଡିଜ୍-ବେଞ୍ଜ୍, ବିଏମଡବ୍ଲୁ ଏବଂ ଅଡି ମଧ୍ୟ ଆସନ୍ତା ମାସରୁ ଗାଡି ମୂଲ୍ୟ ବୃଦ୍ଧି କରିବାକୁ ଘୋଷଣା କରିଛନ୍ତି।