ମୁମ୍ବାଇ: ଇଣ୍ଡିଆନ ପ୍ରିମିୟର ଲିଗ ୨୦୨୫ ସଂସ୍କରଣ କେବେଠାରୁ ଆରମ୍ଭ ହେବ ସେ ନେଇ ବଡ ସୂଚନା ବିସିସିଆଇ ଭାଇସ ପ୍ରେସିଡେଂଟ ରାଜୀବ ଶୁକ୍ଲା ଦେଇଛନ୍ତି । ଶୁକ୍ଲା କହିଛନ୍ତି ଆଇପିଏଲର ୧୮ତମ ସଂସ୍କରଣ ମାର୍ଚ୍ଚ ୨୩ରୁ ଆରମ୍ଭ ହେବ । ବିସିସିଆଇ ବୈଠକରେ ଏ ସମ୍ପର୍କରେ ନିଷ୍ପତି ନିଆ ଯାଇଥିବା ସେ କହିଛନ୍ତି । ତେବେ ଲିଗର ପ୍ରଥମ ମ୍ୟାଚ କେଉଁ ଟିମ ମଧ୍ୟରେ ଖେଳାଯିବ ସେ ନେଇ କୌଣସି ସୂଚନା ପ୍ରଦାନ କରି ନାହାନ୍ତି । ଏହି ଅବସରରେ ସେ କହିଥିଲେ ଆଇପିଏଲ କମିଶନରଙ୍କ ନିଯୁକ୍ତି ଏକ ବର୍ଷ ପାଇଁ କରି ଦିଆଯାଇଛି ।
ସେହିପରି ମହିଳା ପ୍ରିମିୟର ଲିଗର ଭେନ୍ୟୁ ମଧ୍ୟ ଚୂଡାନ୍ତ ହୋଇ ସାରିଛି । ଖୁବ ଶୀଘ୍ର ଏହାର ଘୋଷଣା କରାଯିବ ବୋଲି ଶୁକ୍ଲା କହିଛନ୍ତି । ମୁମ୍ବାଇରେ ଆୟୋଜିତ ବୈଠକରେ ପୂର୍ବତନ ୱିକେଟକିପର ବ୍ୟାଟ୍ସମ୍ୟାନ ଦେବଜିତ ସାଇକିଆଙ୍କୁ ବିସିସିଆଇ ନୂତନ ସେକ୍ରେଟାରୀ ଭାବେ ବିଧିବଦ୍ଧ ଭାବେ ଘୋଷଣା କରାଯାଇଥିଲା । ପ୍ରଭତେଜ ସିଂ ଭାଟିଆ କୋଷଧ୍ୟକ୍ଷ ଭାବେ ଚୟନ ହୋଇଛନ୍ତି । ନିର୍ବାଚନ ସମୟରେ ସେମାନଙ୍କ ବିରୋଧରେ କେହି ପ୍ରତିଦ୍ୱନ୍ଦ୍ୱୀତା କରି ନ ଥିଲେ ।