ଆମେରିକାର ପୂର୍ବତନ ରାଷ୍ଟ୍ରପତି ଜୋ ବାଇଡେନଙ୍କୁ କ୍ୟାନସର, ଦୁଃଖ ପ୍ରକାଶ କଲେ ଟ୍ରମ୍ପ

ଓ୍ବାଶିଂଟନ୍: ଆମେରିକାର ପୂର୍ବତନ ରାଷ୍ଟ୍ରପତି ଜୋ ବାଇଡେନଙ୍କୁ ପ୍ରୋଷ୍ଟେଟ୍ କ୍ୟାନସର ହୋଇଥିବା ଜଣାପଡିଛି । ନିକଟରେ, ବାଇଡେନ୍ ମଧ୍ୟ ତାଙ୍କର ପ୍ରୋଷ୍ଟେଟ୍ କ୍ୟାନସର ବିଷୟରେ ପ୍ରକାଶ କରିଥିଲେ । ଯାହା ପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦୁଃଖ ପ୍ରକାଶ କରିଛନ୍ତି ଏବଂ ତାଙ୍କର ଶୀଘ୍ର ଆରୋଗ୍ୟ କାମନା କରିଛନ୍ତି । ଟ୍ରମ୍ପ ଟ୍ରୁଥ୍ ସୋସିଆଲରେ ଏକ ପୋଷ୍ଟରେ ଲେଖିଛନ୍ତି ଯେ ମେଲାନିଆ ଏବଂ ମୁଁ ଶୁଣି ଦୁଃଖିତ ଯେ ବାଇଡେନ ପ୍ରୋଷ୍ଟେଟ୍ କ୍ୟାନସରରେ ପୀଡିତ । ଆମେ ଜିଲ୍ ଏବଂ ତାଙ୍କ ପରିବାରକୁ ଆମର ଶୁଭକାମନା ଜଣାଉଛୁ, ଏବଂ ଆଶା କରୁଛୁ ଯେ ବାଇଡେନ୍ ଶୀଘ୍ର ସୁସ୍ଥ ହୋଇଯାଆନ୍ତୁ ।

ସେହି ସମୟରେ, ପୂର୍ବତନ ଆମେରିକା ଉପରାଷ୍ଟ୍ରପତି କମଳା ହାରିସ୍ ମଧ୍ୟ ଦୁଃଖ ପ୍ରକାଶ କରିଥିଲେ ଏବଂ ପୂର୍ବତନ ଆମେରିକୀୟ ରାଷ୍ଟ୍ରପତି ବାଇଡେନଙ୍କ ସୁସ୍ଥତା ପାଇଁ ପ୍ରାର୍ଥନା କରିଥିଲେ । ଇନଷ୍ଟାଗ୍ରାମରେ ଏକ ପୋଷ୍ଟରେ, ହାରିସ୍ ଏବଂ ତାଙ୍କ ସ୍ୱାମୀ ଡଗଲସ୍ ଏମହାଫ୍ ବାଇଡେନଙ୍କ ସ୍ୱାସ୍ଥ୍ୟ ଅବସ୍ଥା ବିଷୟରେ ଜାଣିବା ପରେ ଦୁଃଖ ପ୍ରକାଶ କରିଛନ୍ତି । ହାରିସ୍ କହିଛନ୍ତି ଯେ ପୂର୍ବତନ ରାଷ୍ଟ୍ରପତି ବାଇଡେନଙ୍କ ପ୍ରୋଷ୍ଟେଟ୍ କ୍ୟାନସର ବିଷୟରେ ଜାଣି ଡଗ୍ ଏବଂ ମୁଁ ଦୁଃଖିତ ।

ଜୋ ବାଇଡେନଙ୍କ ପ୍ରୋଷ୍ଟେଟ କର୍କଟ ରୋଗ ନିର୍ଣ୍ଣୟ ପ୍ରକାଶ ପାଇବା ପରେ ଅନ୍ୟ ପୂର୍ବତନ ଆମେରିକୀୟ ରାଷ୍ଟ୍ରପତିମାନଙ୍କ ପ୍ରତି ଦୃଷ୍ଟି ଆକର୍ଷଣ କରାଯାଇଛି ଯେଉଁମାନେ ସେମାନଙ୍କ କାର୍ଯ୍ୟକାଳ ମଧ୍ୟରେ କିମ୍ବା ପରେ କର୍କଟ ରୋଗରେ ପୀଡିତ ହୋଇଥିଲେ । ଏହା ସହିତ, 9 ଜଣ ପୂର୍ବତନ ଆମେରିକା ରାଷ୍ଟ୍ରପତି କର୍କଟ ରୋଗ ସହିତ ସଂଘର୍ଷ କରିଛନ୍ତି। ତଳେ ଥିବା ତାଲିକାରେ ଆପଣ ଦେଖିପାରିବେ କିଏ ସମସ୍ତେ କର୍କଟ ରୋଗରେ ପୀଡିତ?

US President Donald Trump posts on Truth Social: Melania and I are saddened to hear about Joe Biden’s recent medical diagnosis. We extend our warmest and best wishes to Jill and the family, and we wish Joe a fast and successful recovery. pic.twitter.com/tKGBkKyxzg

— ANI (@ANI) May 18, 2025

ଏହା ବାଇଡେନଙ୍କ କାର୍ଯ୍ୟାଳୟ ଦ୍ବାରା ପ୍ରକାଶ କରାଯାଇଛି । ଏହା ପରେ ଏହି ବିବୃତ୍ତି ଆସିଛି ଯେ ପୂର୍ବତନ ରାଷ୍ଟ୍ରପତିଙ୍କ ଏହି କ୍ୟାନସର ତାଙ୍କ ଶରୀରର ହାଡ଼କୁ ବ୍ୟାପିଯାଇଛି । ସେ ବର୍ତ୍ତମାନ ଚିକିତ୍ସାଧୀନ ଅଛନ୍ତି ।

ତେବେ ଜୋ ବାଇଡେନ ଏକା ନୁହନ୍ତି ଏହା ପୂର୍ବରୁ ଆମେରିକାର ୯ ଜଣ ପୂର୍ବତନ ଆମେରିକା ରାଷ୍ଟ୍ରପତି ମଧ୍ୟ କ୍ୟାନସର ସହିତ ସଂଘର୍ଷ କରିଛନ୍ତି । ତେବେ ୧୭୯୪ ମସିହାରେ ଜର୍ଜ ୱାଶିଂଟନଙ୍କୁ ସ୍କିନ୍ କ୍ୟାନସର ପାଇଁ ଚିକିତ୍ସା କରାଯାଇଥିଲା । ସେହିପରି ୟୁଲିସିସ ଏସ ଗ୍ରାଣ୍ଟ, ଗ୍ରୋବର କ୍ଲିବଲ୍ୟାଣ୍ଡ, କେଲବିନ୍ କୁଲିଜ୍, ଫ୍ରାଙ୍କଲିନ୍ ଡି. ରୁଜବେଲ୍ଟ, ରୋନାଲ୍ଡ ରିଗନ, ଜଜ୍ ଏଚ୍ ଡବ୍ଲୁ ବୁଶ, ବିଲଲ କ୍ଲିଣ୍ଟନ ଏବଂ ଜିମି କାର୍ଟର ମଧ୍ୟ କ୍ୟାନସରରେ ପିଡିତ ଥିଲେ ।