ଭୁବନେଶ୍ବର: ପ୍ରାୟତଃ ବର୍ଷା ଋତୁରେ ଘରର ଛାତ କିମ୍ବା ବାଲକୋନିରେ ଅଶ୍ବସ୍ଥ ଗଛ ଉଠିଥାଏ। ବାସ୍ତୁ ଶାସ୍ତ୍ର ଅନୁସାରେ ଘରେ ଏହି ଗଛ ହେବା ଅଶୁଭ ବୋଲି ବିବେଚନା କରାଯାଏ, ତେଣୁ ଏହାକୁ ତୁରନ୍ତ ହଟାଇ ଦେବା ଉଚିତ।
ହିନ୍ଦୁ ଧର୍ମରେ ଅଶ୍ବସ୍ଥ ଗଛକୁ ପୂଜା କରାଯାଏ କାରଣ ବିଶ୍ୱାସ କରାଯାଏ ଯେ ଅଶ୍ବସ୍ଥ ଗଛରେ ଦେବତା ବାସ କରନ୍ତି । କିନ୍ତୁ ବାସ୍ତୁ ଶାସ୍ତ୍ର ଅନୁସାରେ ଏହି ଗଛକୁ ଘରେ ରଖିବା ଉପଯୁକ୍ତ ନୁହେଁ। ଏହି କାରଣରୁ ଘରେ ଅଶ୍ବସ୍ଥ ଗଛକୁ ବଢ଼ିବାକୁ ଦିଆଯିବା ଉଚିତ୍ ନୁହେଁ ଏବଂ ଯଦି ଭୁଲରେ ଏହା ବଢ଼ିଯାଏ, ତେବେ ଏହାକୁ ଉପାଡ଼ି ଦେବା ଉଚିତ।
ଏପରି ବିଶ୍ୱାସ କରାଯାଏ ଯେ ଯଦି ଘରେ ଅଶ୍ବସ୍ଥ ଗଛ ଥାଏ, ତେବେ ପରିବାରର ସଦସ୍ୟମାନେ ଉନ୍ନତି କରିପାରନ୍ତି ନାହିଁ ଏବଂ ଏହାର ଉପସ୍ଥିତି ପ୍ରତିଦିନ ନୂଆ ସମସ୍ୟାକୁ ସୃଷ୍ଟି କରେ ।
ଅଶ୍ବସ୍ଥ ଗଛ କାଟିବା ଉଚିତ୍ ନୁହେଁ କାରଣ ଏହା କରିବା ଅଶୁଭ । କିନ୍ତୁ ଯଦି କୌଣସି ବିଶେଷ ପରିସ୍ଥିତିରେ ଏହାକୁ କାଟିବାକୁ ପଡ଼େ, ତେବେ ଏହାକୁ ପୂଜା କରିବା ପରେ କେବଳ ରବିବାର ଦିନ କାଟିବା ଉଚିତ ଏବଂ ଅନ୍ୟ କୌଣସି ଦିନରେ କାଟିବା ଉଚିତ୍ ନୁହେଁ।
ଯଦି ଆପଣଙ୍କ ଘରେ ଅଶ୍ବସ୍ଥ ଗଛ ଉଠିଛି, ତେବେ ତାହାକୁ ଟିକେ ବଡ ହେବାକୁ ଦିଅନ୍ତୁ। ଏହା ପରେ, ସେହି ଗଛକୁ ମାଟି ସହିତ ଖୋଳି ଘର ବାହାରେ ଏକ ସଫା ସ୍ଥାନରେ ଲଗାନ୍ତୁ। ଗଛକୁ ଉପାଡ଼ିବା ପୂର୍ବରୁ ପୂଜା କରନ୍ତୁ। ସେହି ଗଛରେ କଞ୍ଚା କ୍ଷୀର ଅର୍ପଣ କରନ୍ତୁ। ତା’ପରେ ସେହି ସ୍ଥାନରୁ ତାହାକୁ ବାହାର କରି ଅନ୍ୟ କୌଣସି ସ୍ଥାନରେ ଲଗାନ୍ତୁ।
ଜାଣି ରଖନ୍ତୁ ଶନିବାର ଦିନ ଅଶ୍ବସ୍ଥ ଗଛର ପୂଜା କରିବା ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ। କୁହାଯାଏ ଯେ ଏହା ଶନି ଦୋଷରୁ ମୁକ୍ତି ପ୍ରଦାନ କରେ ଏବଂ ପୂର୍ବପୁରୁଷଙ୍କଠାରୁ ଆଶୀର୍ବାଦ ପ୍ରାପ୍ତ ହୋଇଥାଏ ।
Comments are closed.