ଆସାମ: ହୁତୁ ହୁତୁ ହୋଇ ଜଳୁଛି ନଦୀ । ନଦୀର ମଝି ଭାଗରେ ଭୟଙ୍କର ଭାବେ ନିଆଁ ଜଳୁଛି । ଯିଏ ଦେଖୁଛି ସିଏ ଛାନିଆ ହୋଇ ଯାଉଛି । ଆସାମର ଦିବ୍ରୁଗଡ ନିକଟ ସାସୋନି ଗାଁରୁ ଆସିଛି ଏଭଳି ଚିତ୍ର । ଏଠାରେ ଥିବା ଦିହିଙ୍ଗ ନଦୀରେ ନିଆଁ ଲାଗିଛି । ଏହି ଭିଜୁଆଲ ଏବେ ସୋସିଆଲ ମିଡିଆରେ ଭାଇରାଲ ହୋଇଛି ।
ସୂଚନା ମୁତାବକ ଅଏଲ ଇଣ୍ଡିଆ ଲିମିଟେଡର ପାଇପ୍ ଲାଇନ ବ୍ଲାଷ୍ଟ ହେବା ପରେ ଏହି ଅଗ୍ନିକାଣ୍ଡ ଘଟିଛି । ଗତ ୩ ଦିନ ଧରି ନିଦୀରେ ନିଆଁ ଲାଗିଥିଲେ ମଧ୍ୟ ଏହାକୁ ଆୟତ କରାଯାଇପାରି ନାହିଁ । ଅନ୍ୟପଟେ ପାଣି ଉପରେ କ୍ରୁଡ ଅଏଲର ବହଳ ଆସ୍ତରଣରେ ଲାଗିଥିବା ନିଆଁ ଯୋଗୁଁ ପୁରା ଅଚଂଳ ଧୂଆଁମୟ ହୋଇଯାଇଛି ।
ସେପଟେ ସ୍ଥାନୀୟ ପ୍ରଶାସନ ମଧ୍ୟ ନିଆଁ ଲିଭାଇବା ପାଇଁ କୌଣସି ଉଦ୍ୟମ କରୁନଥିବା ଜଣାପଡିଛି । ଅନ୍ୟପଟେ ନଦୀରେ ନିଆଁ ଲାଗିବାକୁ ନେଇ ସ୍ଥାନୀୟ ବାସିନ୍ଦା ଆତଙ୍କିତ ହୋଇପଡିଛନ୍ତି । କେହି ଜଣେ ଦୁର୍ବୃତ ନଦୀରେ ଭାସୁଥିବା ତେଲରେ ନିଆଁ ଲଗାଇଦେଇଥିବା ନେଇ ସନ୍ଦେହ କରାଯାଉଛି ।
Comments are closed.