Latest Odisha News

BREAKING NEWS

OPTCL ଗ୍ରିଡରେ ଅଗ୍ନିକାଣ୍ଡ ପରେ ବିଦ୍ୟୁତସେବା ବାଧାପ୍ରାପ୍ତ

ବଲାଙ୍ଗୀର: ବଲାଙ୍ଗୀର ଜିଲ୍ଲା ସଦର ଥାନା ଅନ୍ତର୍ଗତ ସଦେଇପାଲିରେ ଥିବା OPTCL ବିଦ୍ୟୁତ ଗ୍ରିଡରେ ଅଗ୍ନିକାଣ୍ଡ ଘଟିଛି। ଶନିବାର ଏହି ଘଟଣା ପରେ ବଲାଙ୍ଗୀର, କଳାହାଣ୍ଡି ଓ ସୋନପୁର ଜିଲ୍ଲାର କିଛି ଅଞ୍ଚଳରେ ବିଦ୍ୟୁତ ଯୋଗାଣ ସାମୟିକ ଭାବେ ପ୍ରଭାବିତ ହୋଇଥିଲା।

ସୂଚନା ମିଳିବା ପରେ ବଲାଙ୍ଗୀର ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିଥିଲା। ଦୀର୍ଘ ଚେଷ୍ଟା ପରେ ନିଆଁକୁ ଆୟତ୍ତ କରାଯାଇଥିଲା। ଗ୍ରିଡ ପରିସରରେ ଥିବା କିଛି ଯନ୍ତ୍ରାଂଶରୁ ନିଆଁ ଲାଗିଥିବା ପ୍ରାଥମିକ ସୂଚନା ମିଳିଛି।

ଅଗ୍ନିକାଣ୍ଡ ଯେପରି ଅନ୍ୟ ଅଞ୍ଚଳକୁ ନ ବ୍ୟାପେ, ସେଥିପାଇଁ ଅଗ୍ନିଶମ କର୍ମଚାରୀମାନେ ତୁରନ୍ତ ପଦକ୍ଷେପ ନେଇଥିଲେ। ଏହି ଘଟଣାରେ କାହାରି ଆହତ ହେବାର ଖବର ମିଳିନାହିଁ।

ନିଆଁ ଆୟତ୍ତ ହେବା ପରେ ବିଦ୍ୟୁତ ସେବା ପୁନଃସ୍ଥାପନ ପାଇଁ କାମ ଆରମ୍ଭ କରାଯାଇଥିଲା। ଗ୍ରୀଷ୍ମ ପ୍ରବାହ ଓ ବଢ଼ୁଥିବା ବିଦ୍ୟୁତ ଚାହିଦା ମଧ୍ୟରେ ଏଭଳି ଘଟଣା ସାଧାରଣ ଲୋକଙ୍କ ଚିନ୍ତା ବଢ଼ାଇଛି। ତେବେ ବିଦ୍ୟୁତ ଗ୍ରିଡ ଭଳି ସମ୍ବେଦନଶୀଳ ସ୍ଥାନରେ ଅଗ୍ନିକାଣ୍ଡ କିପରି ଘଟିଲା, ତାହା ଏଯାଏଁ ଅସ୍ପଷ୍ଟ ରହିଛି।

Leave A Reply

Your email address will not be published.