ଭୁବନେଶ୍ୱର: ଭୁବନେଶ୍ୱରର ଲିଙ୍ଗରାଜ ମନ୍ଦିରରେ ଭଗବାନ ଲିଙ୍ଗରାଜଙ୍କ ‘କନ୍ୟା ସଂକ୍ରାନ୍ତି’ ଅବସରରେ ପୂଜାବିଧି ବାଧାପ୍ରାପ୍ତ ହୋଇଛି।
ଦିନସାରା ମନ୍ଦିରର ନୀତିକାନ୍ତି ସୁରୁଖୁରୁରେ ଚାଲିଥିବା ବେଳେ, ଦୁଇ ଗୋଷ୍ଠୀର ସେବାୟତଙ୍କ ମଧ୍ୟରେ ଦେଖାଦେଇଥିବା ବିବାଦ ଯୋଗୁଁ ଦିନର ଶେଷ ନୀତିକାନ୍ତିରେ ବିଳମ୍ବ ଘଟିଥିଲା।
ଏହି ବିବାଦ ‘ବଡ଼ ସିଂହାର’ ନୀତି ଏବଂ ତା’ପରେ ଅନୁଷ୍ଠିତ ହେଉଥିବା ‘ଶୟନ ଠାକୁର’ ଶୋଭାଯାତ୍ରା ସମୟରେ ବିବାଦ ଉପୁଜିଥିଲା।ପରମ୍ପରା ଅନୁଯାୟୀ ଠାକୁରଙ୍କୁ ରାତ୍ରିକାଳୀନ ବିଶ୍ରାମ ନୀତି ପାଇଁ ଏହି ଶୋଭାଯାତ୍ରାରେ ନିଆଯାଇଥାଏ।
ସୂଚନା ଅନୁଯାୟୀ, ସେବା ଅଧିକାରକୁ ନେଇ ‘ପୂଜା ପଣ୍ଡା’ ଏବଂ ‘ବ୍ରାହ୍ମଣ ନିଯୋଗ’ ଗୋଷ୍ଠୀର ସେବାୟତଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା। ଉଭୟ ପକ୍ଷ ନିଜ ନିଜର ସେବା ଅଧିକାର ସମ୍ପର୍କରେ ଆଲୋଚନା କରିବାରୁ ଏହି ବିବାଦ ଦୀର୍ଘ ସମୟ ଧରି ଚାଲିଥିଲା। ଏପରିକି ଏହାର କୌଣସି ତୁରନ୍ତ ସମାଧାନ ହୋଇପାରିନଥିଲ। ଫଳରେ ଦୀର୍ଘ ସମୟ ପାଇଁ ନିତିକାନ୍ତି ଅଟକି ରହିଛି।
ଏହି ଘଟଣା ଯୋଗୁଁ କିଛି ଭକ୍ତ ନିରାଶ ହୋଇଥିଲେ ଏବଂ ଏକ ଗୁରୁତ୍ୱପୂର୍ଣ୍ଣ ଧାର୍ମିକ ଅବସରରେ ନୀତିକାନ୍ତି ବାଧାପ୍ରାପ୍ତ ହେବାକୁ ନେଇ ଅନେକେ ତୀବ୍ର ସମାଲୋଚନା କରିଛନ୍ତି।