ଭୁବନେଶ୍ୱର: ରାଜଧାନୀ ଭୁବନେଶ୍ୱରର ବିିଭିନ୍ନ ମେଡିସିନ୍ ଷ୍ଟୋରରେ ଚଢ଼ାଉ । ମାସ୍କ, ହ୍ୟାଣ୍ଡୱାଶ ଓ ସାନିଟାଇଜରର କଳାବଜାରୀ ନେଇ ଲକ୍ଷ୍ମୀସାଗର ଅଂଚଳର ବିଭିନ୍ନ ଔଷଧ ଦୋକାନ ଉପରେ ପୋଲିସ ପକ୍ଷରୁ ଚଢ଼ାଉ କରାଯାଇଛି ।
ସେହିପରି ବାପୁଜିନଗରରେ ଥିବା କେତେକ ମେଡିସିନି ଷ୍ଟୋର୍ରେ ମଧ୍ୟ ପୋଲିସ ଚଢ଼ାଉ କରିଛି । ଆବଶ୍ୟକ ସାମଗ୍ରୀ ମାସ୍କ, ହ୍ୟାଣ୍ଡ ୱାସ, ସାନିଟାଇଜର ଆଦି ଜିନିଷର କଳାବଜାରୀ କରାଗଲେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କମିଶନରେଟ୍ ପୋଲିସ ସୂଚନା ଦେଇଛି ।
ଗତ କିଛି ଦିନ ହେବ କରୋନା ସତର୍କତା ପାଇଁ ବଜାରେ ମିଳୁଥିବା ମାସ୍କ ଓ ହ୍ୟାଣ୍ଡ ସାନିଟାଇଜରର ମୂଲ୍ୟ ହଠାତ ବଢ଼ି ଯାଇଥିଲା । ଏହାର ଫାଇଦା କେତେକ ବ୍ୟବସାୟୀ ଉଠାଇଥିଲେ । ଏହାକୁ ରୋକିବା ପାଇଁ ଆଜି ସମସ୍ତ ମେଡିସିନ୍ ଷ୍ଟୋର ଉପରେ ଚଢ଼ାଉ କରାଯାଇଛି ।
Comments are closed.