ନୂଆଦିଲ୍ଲୀ: ଭାରତରେ କରୋନାର ଭୟାବହତା ବଢ଼ିବାରେ ଲାଗିଛି । କରୋନା ସଂକ୍ରମଣକୁ ରୋକିବା ପାଇଁ ସରକାରଙ୍କ ଦ୍ୱାରା ବିଭିନ୍ନ ଗାଇଡଲାଇନ ଜାରି ହୋଇଛି । ଡିଜିସିଏ(ବିମାନ ଚଳାଚଳ ମହାନିର୍ଦ୍ଦେଶାଳୟ) ମଧ୍ୟ ସମସ୍ତ ଏୟାରଲାଇନ୍ସ ଏବଂ ବିମାନ ଅପରେଟରଙ୍କ ପାଇଁ ସାମାଜିକ ଦୂରତା ବଜାୟ ରଖିବା ନେଇ ଗାଇଡଲାଇନ ଜାରି କରିଛି ।
Seat allocation at the time of Check-in to be done in a manner to ensure that the seat between two passengers is kept empty: Directorate General of Civil Aviation’s guideline on social distancing to airlines&airport operators. #COVID19 https://t.co/8h7p1h04WR
— ANI (@ANI) March 23, 2020
ଡିଜିସିଏ ଦ୍ୱାରା ଜାରି ହୋଇଥିବା ଗାଇଡଲାଇନ ଗୁଡିକ ହେଲା-
– ବିମାନରେ ଯାତ୍ରୀମାନେ ପରସ୍ପର ମଧ୍ୟରେ ଗୋଟିଏ ସ୍ଥାନ ଛାଡି ବସିବେ ।
-ବିମାନକୁ ପ୍ରବେଶ ପୂର୍ବରୁ ବିମାନର କର୍ମଚାରୀ ଓ ଯାତ୍ରୀମାନଙ୍କୁ ସାନିଟାଇଜର ଉପଲବ୍ଧ କରାଇବାକୁ ନିଦେ୍ର୍ଧଶ ଅଛି ।
-କ୍ୟାବିନ କ୍ର୍ୟୁମାନଙ୍କୁ ମଧ୍ୟ ଯାତ୍ରୀମାନଙ୍କୁ ସେବା ପ୍ରଦାନ ସମୟରେ ଆବଶ୍ୟକୀୟ ଦୂରତା ବଜାୟ ରଖିବେ ।
-ଯାତ୍ରୀଙ୍କ ସୁରକ୍ଷା ଯାଞ୍ଚ ସମୟରେ ବିମାନ କର୍ମଚାରୀ ଯାତ୍ରୀଙ୍କୁ ଗାଇଡଲାଇନ ବିଷୟରେ ଜଣାଇବେ ।
-ବୋର୍ଡିଂ ଲାଇନରେ ଯାତ୍ରୀମାନଙ୍କ ମଧ୍ୟରେ ପର୍ଯ୍ୟାପ୍ତ ବ୍ୟବଧାନକୁ ବିମାନ କର୍ମଚାରୀ ନଜର ରଖିବେ ।
-ବିମାନର ପ୍ରବେଶ ଦ୍ୱାରରେ କର୍ମଚାରୀ ଓ ଯାତ୍ରୀଙ୍କ ପାଇଁ ଯଥେଷ୍ଟ ପରିମାଣର ସାନିଟାଇଜର ରହିବ ।
ଏହା ବ୍ୟତୀତ ଯାତ୍ରୀଙ୍କ ମଧ୍ୟରେ ସାମାଜିକ ଦୂରତା ବଜାୟ ରଖିବା ପାଇଁ ଅନ୍ୟ ଉପଯୁକ୍ତ ଉପାୟ ବିଚାର କରାଯିବ ବୋଲି ଡିଜିସିଏ କହିଛି ।
Comments are closed.