କଟକ: ଭୁବନେଶ୍ୱରରେ ଅବସ୍ଥିତ ଦୂରଦର୍ଶନର ପୂର୍ବତନ ନିର୍ଦ୍ଦେଶକ ବରାହ ମହାନ୍ତିଙ୍କର ସୋମବାର ଦିନ କଟକସ୍ଥିତ ଏକ ଘରୋଇ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ ହୋଇଛି।
ମୃତ୍ୟୁ ବେଳକୁ ତାଙ୍କୁ ୭୩ ବର୍ଷ ବୟସ ହୋଇଥିଲେ।
ସୂଚନାଯୋଗ୍ୟ, ୧୯୪୭ ମସିହା ଏପ୍ରିଲ ୯ରେ ଜନ୍ମିତ ଶ୍ରୀ ମହାନ୍ତି ଗଞ୍ଜାମ ଜିଲ୍ଲାର ଆସ୍କା କଲେଜରେ ଅଧ୍ୟାପକ ଭାବରେ କ୍ୟାରିୟର ଆରମ୍ଭ କରିଥିଲେ। ସେ ୧୯୬୯ରୁ ୧୯୭୫ ପର୍ଯ୍ୟନ୍ତ ଶିକ୍ଷାଦାନ କରିବା ପରେ କଟକ ସ୍ଥିତ ଅଲ ଇଣ୍ଡିଆ ରେଡିଓରେ ଯୋଗଦେଇଥିଲେ।
ଏହାଛଡା ଶ୍ରୀ ମହାନ୍ତି ନୂଆଦିଲ୍ଲୀସ୍ଥିତ ଦୂରଦର୍ଶନ (ଉତ୍ତରପୂର୍ବ), ଡିଡି ନ୍ୟୁଜ୍, ଡିଡି ସ୍ପୋର୍ଟସ୍ ଆଦିର ଚ୍ୟାନେଲ୍ ମ୍ୟାନେଜର ଥିଲେ। ସେ ଏକାସାଙ୍ଗରେ ଏଆଇଆର କଟକ, ଦୂରଦର୍ଶନ (ଭୁବନେଶ୍ୱର) ଏବଂ ଏଆରଆଇର କର୍ମଚାରୀ ତାଲିମ ପ୍ରତିଷ୍ଠାନ, ଭୁବନେଶ୍ୱରରେ ନିର୍ଦ୍ଦେଶକ ଭାବରେ କାର୍ଯ୍ୟ କରିଥିଲେ।
Comments are closed.