ପ୍ୟାରିସ: ଆର୍ଜେଂଟିନାର ଷ୍ଟାର ଷ୍ଟ୍ରାଇକର ଲିଓନେଲ ମେସି ସ୍ପେନିଶ ଫୁଟବଲ କ୍ଲବ ବାର୍ସିଲୋନା ଛାଡିବା ପାଇଁ ମନ ବଳାଇଛନ୍ତି । କ୍ଲବର ସ୍ପୋର୍ଟିଂ ମ୍ୟାନେଜର ଏରିକ୍ ଆବିଦିଲ ଓ ପୂର୍ବତନ କୋଚ ଏନେସ୍ତା ବେଲବେର୍ଦେଙ୍କ ସହ ତାଙ୍କର ମତଭେଦ ବଢ଼ିବାରେ ଲାଗିଛି । ଯାହା ଫଳରେ ମେସି ୨୦୨୧ ପରେ ତାଙ୍କ କଂଟ୍ରାକ୍ଟ ଆଉ ବଢ଼ାଇବାକୁ ଚାହୁଁ ନାହାନ୍ତି ।
୧୮ ବର୍ଷ ବୟସରେ ମେସି ବାର୍ସିଲୋନା କ୍ଲବରେ ଯୋଗ ଦେଇଥିଲା । ଦଳ ପାଇଁ ସେ ୬୩୦ ଗୋଲ ସ୍କୋର କରିଥିବା ବେଳେ ୨୭୨ରେ ସହଯୋଗ କରିଛନ୍ତି । ୧୦ ଲାଲିଗା ଓ ୪ ୟୁଇଏଫଏ ଚାମ୍ପିୟନ୍ସ ଲିଗରେ ବାର୍ସିଲୋନାକୁ ବିଜୟୀ କରାଇବାରେ ସେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ସ୍ପେନର ଲୋକପ୍ରିୟ ରେଡିଓ ଷ୍ଟେସନ କାର୍ଯ୍ୟକ୍ରମରେ ଏ ସମ୍ପର୍କରେ ସୂଚନା ଦିଆ ଯାଇଥିଲା ।
Comments are closed.