ନୂଆଦିଲ୍ଲୀ: ଜୁଲାଇରେ ନାଲି ଆଖି ଦେଖାଇଛି କରୋନା । ଭାରତ ଏବଂ ଓଡ଼ିଶାରେ ଲମ୍ବା ଲମ୍ଫ ମାରିଛି । ଦେଶରେ ଦିନକୁ ୫ ହଜାର ପାର୍ କରିଛି ପଜିଟିଭ କେସ୍ । ଲକ୍ଷାଧିକ ପଜିଟିଭ ବାହାରିଛନ୍ତି । ଜୁଲାଇରେ ଦେଶରେ ସାଢ଼େ ୧୦ ଲକ୍ଷରୁ ଅଧିକ ସଂକ୍ରମିତ ହୋଇଥିବା ବେଳେ ରାଜ୍ୟରେ ୨୪ ହଜାରରୁ ଅଧିକ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଦେଶରେ ସାଢ଼େ ୧୦ ଲକ୍ଷ, ରାଜ୍ୟରେ ୨୪ ହଜାର
ଜୁଲାଇ ୧ରେ ଦେଶରେ ଭୂତାଣୁ ସଂକ୍ରମିତଙ୍କ ସଂଖ୍ୟା ଥିଲା ୫ ଲକ୍ଷ ୮୫ ହଜାର ୪୯୩ । ସେତେବେଳେ ଓଡ଼ିଶାରେ ୭ ହଜାର ୫୪୫ ଜଣ ଆକ୍ରାନ୍ତ ଥିଲେ । ଜୁଲାଇ ୩୧ରେ ଦେଶରେ ପଜିଟିଭ୍ କେସ୍ ବଢ଼ି ୧୬ ଲକ୍ଷ ୩୮ ହଜାର ୮୭୦ରେ ପହଞ୍ଚିଥିଲା । ରାଜ୍ୟରେ ୩୧ ହଜାର ୮୭୭କୁ ବୃଦ୍ଧି ପାଇଥିଲା ଭୂତାଣୁ ସଂକ୍ରମିତଙ୍କ ସଂଖ୍ୟା ।
ଦେଶରେ ୬୪%, ରାଜ୍ୟରେ ୭୬% ସଂକ୍ରମଣ
ଜୁଲାଇରେ ଦେଶରେ ୧୦ ଲକ୍ଷ ୫୩ ହଜାର ୩୭୭ ନୂଆ ଆକ୍ରାନ୍ତ ବାହାରିଥିବା ବେଳେ ଓଡ଼ିଶାର କୋରୋନା ସଂକ୍ରମିତଙ୍କ ତାଲିକାରେ ଯୋଡ଼ି ହୋଇଥିଲେ ୨୪ ହଜାର ୨୪୩ ଜଣ । ଗୋଟିଏ ମାସରେ ଭାରତରେ ସଂକ୍ରମଣ ୬୪ ପ୍ରତିଶତ ବୃଦ୍ଧି ପାଇଥିଲା । ଓଡ଼ିଶାରେ ୭୬ ପ୍ରତିଶତ ନୂଆ ସଂକ୍ରମିତ ଚିହ୍ନଟ ହୋଇଥିଲେ ।
ମୁଣ୍ଡ ନେଇଛି କରୋନା
ଜୁଲାଇରେ ଦେଶ ଓ ରାଜ୍ୟରେ ବଢ଼ିଥିଲା କରୋନା ମୃତ୍ୟୁ ସଂଖ୍ୟା । ଜୁଲାଇ ୧ରେ ଦେଶରେ ପ୍ରାଣ ହରାଇଥିଲେ ୧୭ ହଜାର ୪ ଶହ ଆକ୍ରାନ୍ତ । ସେତେବେଳେ ଓଡ଼ିଶାରେ କରୋନା ନେଇଥିଲା ୨୭ ମୁଣ୍ଡ । ଜୁଲାଇ ୩୧ ସୁଦ୍ଧା ଭାରତର ମୃତ୍ୟୁସଂଖ୍ୟା ୧୭ ହଜାରରୁ ବଢ଼ି ୩୫ ହଜାର ୭୪୭ରେ ପହଞ୍ଚିଗଲା । ଓଡ଼ିଶାରେ ଜୁଲାଇ ମାସ ସୁଦ୍ଧା ୧୭୭ ମୁଣ୍ଡ ନେଇଥିଲା କରୋନା ।
ସୁସ୍ଥ ହୋଇଛନ୍ତି ଅଧିକ
ଦେଶରେ ସଂକ୍ରମଣ ବଢ଼ିଥିଲା ବି ଆଶ୍ୱସ୍ତିକର ଖବର ହେଉଛି ଅଧିକ ଲୋକ କରୋନାରୁ ସୁସ୍ଥ ହୋଇଛନ୍ତି । ଜୁଲାଇ ୧ତାରିଖରେ ଦେଶରେ କରୋନା ଆକ୍ଟିଭ କେସ୍ କେସ୍ ଥିଲା ୨ ଲକ୍ଷ ୨୦ ହଜାର ୧୧୪ । ସେତେବେଳେ ଓଡ଼ିଶାରେ ୨ ହଜାର ୧୫୭ଟି କରୋନା ସକ୍ରିୟ ମାମଲା ରହିଥିଲା । ଜୁଲାଇ ୩୧ରେ ଦେଶରେ ରହିଥିଲା ୫ ଲକ୍ଷ ୪୫ ହଜାର ୩୧୮ ଆକ୍ଟିଭ୍ କେସ୍ । ଓଡ଼ିଶାରେ ଏହି ସଂଖ୍ୟା ଥିଲା ୧୧ ହଜାର ୧ ୪୫ ।
BREAKING NEWS
- ବାରିପଦା ବ୍ୟାଙ୍କ ଅଫ୍ ଇଣ୍ଡିଆର ଜୋନାଲ୍ ଅଫିସରେ ଅଗ୍ନିକାଣ୍ଡ
- କାରରୁ ଜବତ ହେଲା ୩୮୮ ଲିଟର ମଦ ସହ ୩୦ ହଜାର ନଗଦ ଟଙ୍କା, ୨ ଗିରଫ
- ପନ୍ତଙ୍କ ଜବରଦସ୍ତ ପ୍ରଦର୍ଶନ ସତ୍ୱେ ସଞ୍ଜୁଙ୍କ ସପକ୍ଷରେ ଚୟନ କମିଟି
- କଂଗ୍ରେସରୁ ଇସ୍ତଫା ଦେଲେ ଦୁଲାଲ ପ୍ରଧାନ
- ନିଆରା ଶୈଳୀରେ ନ୍ୟୁଜିଲାଣ୍ଡ ଟି୨୦ ବିଶ୍ୱକପ ପାଇଁ ଘୋଷଣା କଲା ଦଳ
- ନାମାଙ୍କନ ଦାଖଲ କଲେ କେନ୍ଦ୍ରମନ୍ତ୍ରୀ ରାଜନାଥ ସିଂ
- ଓଲଟିଲା ବରଯାତ୍ରୀ ବସ୍, ୪୦ରୁ ଉର୍ଦ୍ଧ୍ୱ ଯାତ୍ରୀ ଆହତ
- ମହୁମାଛି ଆକ୍ରମଣ ରେ ୧୨ ଛାତ୍ରଛାତ୍ରୀ ଆହତ
- ପୋଲିସର ଏନକାଉଣ୍ଟରରେ କୁଖ୍ୟାତ ଅପରାଧୀ ସୁବାସ ଖୁଣ୍ଟିଆ ଗୁରୁତର
- ଆଜିଠୁ ଆହୁରି ଅସମ୍ଭାଳ ହେବ ଗ୍ରୀଷ୍ମପ୍ରବାହ, ହିଟ୍ୱେଭ୍ ନେଇ ୧୫ ଜିଲ୍ଲାକୁ ରେଡ୍ ୱାର୍ଣ୍ଣିଂ