ଭୁବନେଶ୍ୱର: ଟ୍ୱିନସିଟିରେ ବଢ଼ୁଛି ଜନସଂଖ୍ୟା । ଭୁବନେଶ୍ୱର-କଟକ ଦ୍ୱୈତ ନଗରୀରେ ଦୌଡ଼ି ପାରିବ ମେଟ୍ରୋ । ମେଟ୍ରୋ ରେଲ ନୀତି- ୨୦୧୭ ଅନୁସାରେ, ୨୦ ଲକ୍ଷରୁ ଅଧିକ ଜନସଂଖ୍ୟା ଥିବା ସହରରେ ମେଟ୍ରୋ ରେଳ ସିଷ୍ଟମ ଯୋଜନା ହୋଇ ପାରିବ । ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖିଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ।
ଅପରାଜିତା ଚିଠିରେ ଲେଖିଛନ୍ତି, ୪ରୁ ୫ ବର୍ଷ ମଧ୍ୟରେ ଭୁବନେଶ୍ୱରର ଜନସଂଖ୍ୟା ୨୦ ଲକ୍ଷ ଟପିଯିବ । ଏବେ ଦ୍ୱୈତ ନଗରୀର ଜନସଂଖ୍ୟା ୨୦ ଲକ୍ଷ ଅତିକ୍ରମ କରିଛି । ତେଣୁ ଏହାକୁ ନଜରରେ ରଖି ଭୁବନେଶ୍ୱର-କଟକରେ ମେଟ୍ରୋ ରେଳ ସିଷ୍ଟମ ଯୋଜନା କରାଯାଉ । ଏହି ପ୍ରକଳ୍ପ ପ୍ରଥମ ପର୍ଯ୍ୟାୟରେ ଭୁବନେଶ୍ୱରରେ ଆରମ୍ଭ କରି ପ୍ରରେ କଟକକୁ ବିସ୍ତାର କରାଯାଇ ପାରିବ ।
It is hightime Bhubaneswar & Cuttack had an Integrated Metro Rail System.
Discussed the Metro Rail Policy,2017, with GoI officials of Urban Affairs Ministry.
Have written to Hon'ble CM Sri @Naveen_Odisha for sending a proposal to the Ministry for desired assistance.
Will pursue. pic.twitter.com/owPGAZc8Yl— Aparajita Sarangi, Member of Parliament (@AprajitaSarangi) September 26, 2022
କେନ୍ଦ୍ର ଓ ରାଜ୍ୟ ସରକାରଙ୍କ ୫୦ ପ୍ରତିଶତ ଲେଖାଏଁ ଅନୁଦାନରେ ମେଟ୍ରୋ ସେବା ଆରମ୍ଭ ହୋଇ ପାରିବ । ଏହାଦ୍ୱାରା ଲୋକେ ଉପକୃତ ହେବା ସହ ଦ୍ୱୈତ ନଗରରୀ ବାଣିଜ୍ୟିକ କାରବାର ଆହୁରି ବଢ଼ିବ ବୋଲି ସାଂସଦ ଲେଖିଛନ୍ତି । ଏଥିପାଇଁ ଡିପିଆର୍ ପ୍ରସ୍ତୁତ କରି କେନ୍ଦ୍ର ସରକାରଙ୍କ ଗୃହ ଓ ନଗର ଉନ୍ନୟନ ମନ୍ତ୍ରଣାଳୟକୁ ପଠାଇବାକୁ ମୁଖ୍ୟମନ୍ତ୍ରୀଙ୍କୁ ଲେଖିଛନ୍ତି ଅପରାଜିତା ।