ମୁମ୍ବାଇ: ବଲିଉଡର ପ୍ରସିଦ୍ଧ ଗାୟକ ବାପି ଲାହିରୀ ବହୁତ ଲମ୍ବା ଇନିଂସ ଖେଳିଛନ୍ତି। ୫୦୦ରୁ ଅଧିକ ଗୀତ ରଚନା କରିଛନ୍ତି ବାପି ଲାହିରୀ।
ପପ୍ ମ୍ୟୁଜିକ୍କୁ ବଲିଉଡର ଏକ ଗୁରୁତ୍ୱପୂର୍ଣ୍ଣ ଅଂଶ କରିବାର ଶ୍ରେୟ ମଧ୍ୟ ବାପି ଲାହିରୀକୁ ଯାଉଛି। ତାଙ୍କର ଅନନ୍ୟ ଶୈଳୀର ଗୀତକୁ ସର୍ବଦା ପସନ୍ଦ କରାଯାଇଆସିଛି।
କିନ୍ତୁ ବାପି ଲାହିରୀ କେବଳ ଗୀତ ଯୋଗୁଁ ପ୍ରସିଦ୍ଧ ନୁହଁନ୍ତି। ତାଙ୍କୁ ଅନେକ ସମୟରେ ଶରୀରରେ ଭର୍ତ୍ତି କରି ଅଳଙ୍କାର ପିନ୍ଧିଥିବା ଦେଖିବାକୁ ମିଳିଥାଏ ଯେଉଁଥିପାଇଁ ସେ ସବୁବେଳେ ଚର୍ଚ୍ଚାରେ ରହିଥାନ୍ତି। ତଥାପି ପ୍ରଶ୍ନ ଉଠେ ଯେ ସେ କାହିଁକି ଏତେ ପରିମାଣର ସୁନା ପିନ୍ଧିବାକୁ ଭଲ ପାଆନ୍ତି?
ଏକ ସାକ୍ଷାତକାରରେ ବାପି ଲାହିରୀ ନିଜେ ଏହି କଥା ପ୍ରକାଶ କରି କହିଥିଲେ ଯେ ସେ ହଲିଉଡର ଜଣେ କଳାକାରଙ୍କ ଯୋଗୁ ସେ ସୁନା ପିନ୍ଧିବା ଆରମ୍ଭ କରିଥିଲେ।
ବାପି କହିଥିଲେ, ମୁଁ ହଲିଉଡର କଳାକାର ଏଲଭିସ୍ ପ୍ରେସଲିଙ୍କୁ ଖୁବ୍ ପସନ୍ଦ କରୁଥିଲି। ଦେଖିଲି ସେ ସବୁବେଳେ ଏକ ସୁନା ଚେନ୍ ପିନ୍ଧୁଥିଲେ। ତାଙ୍କ ଶୈଳୀରେ ମୋତେ ବହୁତ ପ୍ରଭାବିତ କରିଥିଲା।
ବାସ୍ତବରେ, ପ୍ରଶ୍ନ ମଧ୍ୟ ଆସେ ଯେ ବାପି କେତେ କିଲୋ ସୁନା ପିନ୍ଧନ୍ତି? ଯେତେବେଳେ ବାପି ଲାହିରୀ ୨୦୧୪ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ, ସେତେବେଳେ ସେ ଏ ବିଷୟରେ ସୂଚନା ଦେଇଥିଲେ। ସେହି ସୂଚନା ଅନୁଯାୟୀ, ବାପିଙ୍କ ନିକଟରେ ୭୫୪ ଗ୍ରାମ ସୁନା ଏବଂ ୪.୬୨ ଗ୍ରାମ ରୂପା ରହିଛି।