ନୂଆଦିଲ୍ଲୀ: ବୁଧବାର ବିଜେପି ଅରୁଣାଚଳ ପ୍ରଦେଶର ୬୦ଟି ବିଧାନସଭା ଆସନ ପାଇଁ ପ୍ରାର୍ଥୀ ତାଲିକା ପ୍ରକାଶ କରିଛି। ୨୦୨୪ ଲୋକସଭା ନିର୍ବାଚନ ସହିତ ଅରୁଣାଚଳ ପ୍ରଦେଶ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଦଳର କେନ୍ଦ୍ରୀୟ ନିର୍ବାଚନ କମିଟି ଏକ ବୈଠକରେ ଏହି ନାମକୁ ଅନୁମୋଦନ କରିଛି। ମୁକ୍ତୋ (ଏସଟି) ବିଧାନସଭା ଆସନରୁ ବିଜେପି ମୁଖ୍ୟମନ୍ତ୍ରୀ ପେମା ଖଣ୍ଡୁଙ୍କୁ ଟିକେଟ ମିଳିଛି ।
ଉତ୍ତର-ପୂର୍ବ ରାଜ୍ୟରେ ଲୋକସଭା ନିର୍ବାଚନ ସହିତ ଅନୁଷ୍ଠିତ ହେବାକୁ ଥିବା ବିଧାନସଭା ନିର୍ବାଚନ ପାଇଁ ରାଜ୍ୟ ବିଜେପି ମୁଖ୍ୟ ବିୟୁରାମ ୱାହାଙ୍କୁ ପାକ୍କେ କେସାଙ୍ଗରୁ ଟିକେଟ ଦିଆଯାଇଛି। ତେବେ ଅରୁଣାଚଳ ପ୍ରଦେଶ ବିଧାନସଭାର କାର୍ଯ୍ୟକାଳ ଜୁନ୍ ୨୦୨୪ ରେ ଶେଷ ହେଉଛି। ୨୦୧୯ ନିର୍ବାଚନରେ ବିଜେପି ୬୦ ସଦସ୍ୟ ବିଶିଷ୍ଟ ଅରୁଣାଚଳ ପ୍ରଦେଶ ବିଧାନସଭାରେ ୪୧ ଟି ଆସନ ଜିତିଥିଲା।
ଅନ୍ୟପଟେ ମାର୍ଚ୍ଚ ୧୧ ରେ ବିଜେପିର କେନ୍ଦ୍ରୀୟ ନିର୍ବାଚନ କମିଟିର ବୈଠକରେ ଏହି ତାଲିକା ଅନୁମୋଦନ କରାଯାଇଥିଲା। ବିଜେପି ସଭାପତି ଜେପି ନଡ୍ଡାଙ୍କ ଅଧ୍ୟକ୍ଷତାରେ କେନ୍ଦ୍ରୀୟ ନିର୍ବାଚନ କମିଟି ବୈଠକ ଅନୁଷ୍ଠିତ ହୋଇଥିଲା ।
