କୋଲକାତା: ଗୋଚାଲାଣ ମାମଲାରେ ତୃଣମୂଳ କଂଗ୍ରେସର ବାହୁବଳୀ ନେତା ତଥା ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ନିକଟତର ଅନୁବ୍ରତ ମଣ୍ଡଳଙ୍କୁ ସିବିଆଇ ଗିରଫ କରିଛି । ସେ ବୀରଭୂମି ଜିଲ୍ଲା ଅଧ୍ୟକ୍ଷ ମଧ୍ୟ ଅଛନ୍ତି । ମାମଲାରେ ସିବିଆଇକୁ ସହଯୋଗ କରୁ ନ ଥିବା ଅଭିଯୋଗ ଆସିଥିଲା । ୨ ଥର ସମନ ପଠାଇବା ପରେ ସେ ହାଜର ନ ହେବାରୁ ସିବିଆଇ ବାଧ୍ୟ ହୋଇ ଗିରଫ କରିଛି । ୧ ଘଂଟାରୁ ଊର୍ଦ୍ଧ୍ୱ ସମୟ ପଚରା ଉଚରା କରାଯିବା ପରେ ହେଲଥ ଚେକଅପ ପାଇଁ ଅନୁବ୍ରତଙ୍କୁ ଡାକ୍ତରଖାନା ନିଆ ଯାଇଥିଲା । ସିବିଆଇ ୫ ଓ ୮ ଅଗଷ୍ଟରେ ସମନ ଜାରୀ କରିଥିଲା । ବିଜେପି ସାଂସଦ ଦୀଲିପ ଘୋଷ କହିଛନ୍ତି ଅନୁବ୍ରତଙ୍କ ପରି ରାକ୍ଷସଙ୍କୁ ଜେଲରେ ରଖିବା ଉଚିତ । ସୂଚନାଯୋଗ୍ୟ, ୨୦୨୦ରେ ଭାରତ-ବାଂଲାଦେଶ ସୀମାରେ ଗୋଚାଲାଣ କରା ଯାଉଥିଲା । ବିଏସଏଫ ୨୦୦୦୦ ପଶୁଙ୍କ ମୁଣ୍ଡ ଜବତ କରିଥିଲା । ସିବିଆଇ ଏଥିରେ ସମ୍ପୃକ୍ତ ଥିବା ନେଇ ବିଏସଏଫ କମାଣ୍ଡାଂଟ ସତୀଶ କୁମାରଙ୍କ ସମେତ ଅନ୍ୟ କେତେଜଣଙ୍କ ବିରୋଧରେ କେଦ ରୁଜୁ କରିଥିଲା । ନିକଟରେ ମଣ୍ଡଳଙ୍କ ୧୩ ସ୍ଥାନ ଉପରେ ସିବିଆଇ ଚଢ଼ାଉ କରି ୧୭ ଲକ୍ଷ ଟଙ୍କା ଓ ୧୦ ମୋବାଇଲ ଫୋନ ଜବତ କରିଥିଲା ।
Comments are closed.