ମାଡ୍ରାସ: ଆଜିକାଲି ଘର ଖଣ୍ଡିଏ ନିର୍ମାଣ କରିବା କଷ୍ଟକର ହୋଇପଡ଼ିଛି । ସବୁ ସୁବିଧା ଥିଲେ ମଧ୍ୟ ଗୋଟେ ଘର ତିଆରି କରିବାକୁ ମାସ ମାସ ସମୟ ଲାଗିଯାଏ । ଆଜିର ବ୍ୟସ୍ତବହୁଳ ଜୀବନରେ ଘର ଖଣ୍ଡିଏ ନିର୍ମାଣ କରିବାକୁ କାହା ପାଖରେ ପର୍ଯ୍ୟାପ୍ତ ସମୟ ନାହିଁ । ଶ୍ରମିକ ଏବଂ ମିସ୍ତ୍ରୀଙ୍କ ପଛରେ ଦୌଡିବା ଅତ୍ୟନ୍ତ କଷ୍ଟକର । କିନ୍ତୁ ଏବେ ଏପରି ଏକ ଟେକ୍ନୋଲୋଜି ଆସିଛି, ଯାହାଦ୍ୱାରା ମାସ ମାସ ନୁହେଁ, କିଛି ଘଣ୍ଟାରେ ନିର୍ମାଣ ହୋଇଯିବ ଘର । ଏହା ବିଶ୍ୱର ଅନେକ ଦେଶରେ ମଧ୍ୟ ଏହି ଟେକ୍ନୋଲୋଜି ବ୍ୟବହୃତ ହେଉଛି । ଏହାର ଏକ ଭିଡିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ ଏକ ମେସିନ୍ ସାହାଯ୍ୟରେ କିଛି ଘଣ୍ଟା ମଧ୍ୟରେ ଏକ ଘର ନିର୍ମାଣ କରାଯାଉଥିବା ଦେଖିବାକୁ ମିଳିଛି ।
ବାସ୍ତବରେ, ଏହା ହେଉଛି ୩ଡ଼ି ପ୍ରିଣ୍ଟିଙ୍ଗ୍ । ଏହି ଟେକ୍ନୋଲୋଜି ସାହାଯ୍ୟରେ କିଛି ଘଣ୍ଟାରେ ନିର୍ମାଣ ହେଉଛି ଘର । ଅନେକ ଦେଶରେ ଏହି ୩ଡ଼ି ପ୍ରିଣ୍ଟିଙ୍ଗ୍ ବ୍ୟବହାର କରାଯାଉଛି । କିନ୍ତୁ ଆପଣ ଜାଣନ୍ତି କି ୩ଡ଼ି ପ୍ରିଣ୍ଟଙ୍ଗ୍ କ’ଣ ଏବଂ ଏହାକୁ କିପରି ବ୍ୟବହାର କରାଯାଏ? କିଛି ଦିନ ପୂର୍ବରୁ ମାଡ୍ରାସ ଆଇଆଇଟିର ପୂର୍ବତନ ଛାତ୍ରମାନେ ମାତ୍ର ୫ ଦିନ ମଧ୍ୟରେ ଏକ ସିମେଣ୍ଟ କଂକ୍ରିଟ ଘର ନିର୍ମାଣ କରିଥିଲେ । ତାହା ୬୦୦ ବର୍ଗଫୁଟ ଅଞ୍ଚଳରେ ଏହାକୁ ନିର୍ମାଣ କରାଯାଇଥିଲା । କେବଳ କମ ସମୟ ନୁହେଁ, ନିର୍ମାଣ ଖର୍ଚ୍ଚ ମଧ୍ୟ ତୁଳନାତ୍ମକ ଭାବେ କମ୍ ହୋଇଥିଲା । ଏଥିରେ ତିନୋଟି ପ୍ରିଣ୍ଟିଙ୍ଗ୍ ମଧ୍ୟ ବ୍ୟବହୃତ ହୋଇଥିଲା । ଏହି ମେସିନ୍ କମ୍ପ୍ୟୁଟରାଇଜଡ୍ ତିନୋଟି ଡାଇମେନ୍ସନାଲ୍ ଡିଜାଇନ୍ ଫାଇଲ୍ ଏବଂ ଲେୟାର୍ ଦ୍ୱାରା ଆଉଟପୁଟ୍ ସ୍ତର ପ୍ରସ୍ତୁତ କରିଥାଏ ।
ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ଏକ ମେସିନ୍ ସାହାଯ୍ୟରେ ତୁରନ୍ତ ଏକ କାନ୍ଥ କିପରି ତିଆରି ହେଉଛି । ଗୋଟିଏ ଘର ଖୁବ୍ କମ୍ ସମୟ ଭିତରେ ନିର୍ମାଣ ହୋଇପାରୁଛି । ୩ଡ଼ି ପ୍ରିଣ୍ଟିଂ ଟେକ୍ନୋଲୋଜି ପ୍ରାୟତଃ ଉତ୍ପାଦନ ଏବଂ ଡିଜାଇନ୍ ପାଇଁ ବ୍ୟବହୃତ ହୁଏ । କମ୍ ସମୟ ଭିତରେ ଘରଟି କିପରି ନିର୍ମାଣ ହୋଇଯାଉଛି ତାହକୁ ଦେଖି ଲୋକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି ।
