ନୂଆଦିଲ୍ଲୀ: ଭାରତ ଏବେ ଆମେରିକାଠାରୁ ୩୦ ଟି ପ୍ରିଡେଟର ଡ୍ରୋନ୍ କିଣିବାକୁ ଯାଉଛି। ଏହାକୁ ଦୀର୍ଘ ସମୟ ଧରି ଅପେକ୍ଷା କରାଯାଇଥିଲା। ସୋମବାର ପ୍ରତିରକ୍ଷା ମନ୍ତ୍ରଣାଳୟରେ ଏକ ଉଚ୍ଚ ସ୍ତରୀୟ ବୈଠକ ଅନୁଷ୍ଠିତ ହେବ। ଏଥିରେ ପ୍ରାୟ ୨୧,୦୦୦ କୋଟି ଟଙ୍କା ଅଧିଗ୍ରହଣ ଉପରେ ଆଲୋଚନା ହେବ। ଇଣ୍ଡିଆ ଟୁଡେରେ ପ୍ରକାଶିତ ଏକ ରିପୋର୍ଟ ଅନୁଯାୟୀ ପ୍ରତିରକ୍ଷା ମନ୍ତ୍ରଣାଳୟର ଶୀର୍ଷ ସୂତ୍ରରୁ ପ୍ରକାଶ ଯେ ଏଥିରେ ବରିଷ୍ଠ ଅଧିକାରୀମାନେ ମଧ୍ୟ ଯୋଗଦେବେ ଏବଂ ପ୍ରତିରକ୍ଷା ସଚିବ ଅଧ୍ୟକ୍ଷତା କରିବେ।
ଯଦି ଏହି ବୈଠକରେ ଅଧିଗ୍ରହଣ ଅନୁମୋଦନ ହୁଏ, ତେବେ ଏହାକୁ ପ୍ରତିରକ୍ଷା ମନ୍ତ୍ରୀଙ୍କ ନେତୃତ୍ୱରେ ପ୍ରତିରକ୍ଷା ଅଧିଗ୍ରହଣ ପରିଷଦକୁ ପଠାଯିବ। ଏହା ପରେ ଚୁକ୍ତିନାମା ସ୍ୱାକ୍ଷର ହେବା ପୂର୍ବରୁ ଏହାର ସୁରକ୍ଷା ଅନୁମୋଦନ ପାଇଁ କ୍ୟାବିନେଟ କମିଟି ନିକଟକୁ ପଠାଯିବ।
ଡ୍ରୋନ୍ ଗୁଡିକ ଉନ୍ନତ ପ୍ରଣାଳୀ ଏବଂ ଅସ୍ତ୍ରଶସ୍ତ୍ର ପ୍ୟାକେଜ୍ ସହିତ ସଜ୍ଜିତ ହେବ ଏବଂ ଦୀର୍ଘ ଦୂରଗାମୀ ନୀରିକ୍ଷଣ ରହିବ। ଭାରତର ଡ୍ରୋନ୍ କ୍ରୟ ତାଲିକାରେ MQ-9B ର SeaGuardian / SkyGuardian ପ୍ରକାର ଅନ୍ତର୍ଭୁକ୍ତ।