ଭୁବନେଶ୍ୱର: ସୀମା ବିବାଦ ପ୍ରସଙ୍ଗରେ ବିଧାନସଭାରେ ଆଗତ ମୁଲତବୀ ପ୍ରସ୍ତାବ ଉପରେ ଆଲୋଚନା ଜାରି ରହିଛି । ବିରୋଧୀ ଦଳ ପକ୍ଷରୁ ଦିଆଯାଇଥିବା ମୁଲତବୀ ପ୍ରସ୍ତାବ ଉପରେ ପ୍ରତିକ୍ରିୟା ରଖିଛନ୍ତି ରାଜସ୍ୱ ମନ୍ତ୍ରୀ ସୁଦାମ ମାର୍ଣ୍ଡି । ନିଜ ବିବୃତ୍ତିରେ ସେ କହିଛନ୍ତି, କୋରାପୁଟ ଜିଲ୍ଲା ଓ ଆନ୍ଧ୍ରପ୍ରଦେଶର କିଛି ଜିଲ୍ଲା ମଧ୍ୟରେ ସୀମା ବିବାଦ ରହିଛି ।
ଆପୋଷ ବୁଝାମଣାରେ ସୀମା ଚିହ୍ନଟ: ରାଜସ୍ୱ ମନ୍ତ୍ରୀ
୨୧ଟି ଗାଁରେ ଏହି ସମସ୍ୟା ରହିଛି । ଯେଉଁଠି ରାଜ୍ୟ ସରକାର ସବୁ ପ୍ରକାର ସୁବିଧା ଯୋଗାଇଛନ୍ତି । ଜିଲ୍ଲାପାଳ ଓ ଆରଡ଼ିସିଙ୍କ ତତ୍ତ୍ୱାବଧାନରେ ସୀମା ବିବାଦ ସମାଧାନ ପାଇଁ ଉଦ୍ୟମ ଜାରି ରହିଛି । ସେହିପରି ବାଲେଶ୍ୱର ଜିଲ୍ଲା ଓ ପଶ୍ଚିମବଙ୍ଗ ମଧ୍ୟରେ ମଧ୍ୟ କିଛି ସମସ୍ୟା ରହିଛି। ୯ଟି ଗାଁରେ ସମସ୍ୟା ରହିଥିବା ବେଳେ ସମାଧାନ ପାଇଁ ପ୍ରଶାସନିକ ସ୍ତରରେ ଏକ କମିଟି ହୋଇଛି ।
ମୁଖ୍ୟମନ୍ତ୍ରୀ ହସ୍ତକ୍ଷେପ କରନ୍ତୁ: ମୋହନ ମାଝୀ
ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ କହିଛନ୍ତି, ଝାଡ଼ଖଣ୍ଡ, ଛତିଶଗଡ଼, ଆନ୍ଧ୍ରପ୍ରଦେଶ ସହିତ ଓଡ଼ିଶାର ସୀମା ବିବାଦ ରହିଛି । କୋରାପୁଟରେ ୨୧, ଗଜପତିରେ ୧୬ ଗାଁ ସହିତ ବିବାଦ ଲାଗି ରହିଛି । ସେସବୁ ସ୍ଥାନରେ ବିକାଶ ହେଉନଥିବାରୁ ଲୋକ ପଡ଼ୋଶୀ ରାଜ୍ୟ ଆଡ଼କୁ ଢଳୁଥିବା ଅଭିଯୋଗ କରିଛନ୍ତି । ମୁଖ୍ୟମନ୍ତ୍ରୀ ହସ୍ତକ୍ଷେପ ନ କଲେ ବିବାଦର ସମାଧାନ ହେବନି ବୋଲି ମୋହନ ମାଝୀ କହିଛନ୍ତି ।
ପଡ଼ୋଶୀ ରାଜ୍ୟର ଦାଦାଗିରି: ବିଷ୍ଣ ସେଠୀ
ସୀମା ବିବାଦ ପ୍ରସଙ୍ଗରେ ବିରୋଧୀ ଦଳ ଉପନେତା ବିଷ୍ଣୁ ସେଠୀ କହିଛନ୍ତି, ସରକାର ଆବଶ୍ୟକ ପଦକ୍ଷେପ ନେଉ ନଥିବାରୁ ପଡ଼ୋଶୀ ରାଜ୍ୟ ଦାଦାଗିରି କରୁଛି । ମନ୍ତ୍ରୀ କିଛି ବୁଝୁନାହାନ୍ତି କିମ୍ବା ସୀମା ବିବାଦ ଭିତରକୁ ପଶୁ ନାହାନ୍ତି । ସୀମାରେ ଥିବା ଲୋକଙ୍କ ପ୍ରତି ସରକାରଙ୍କ ନିଘା ନାହିଁ ।ବାଲେଶ୍ୱର ଓ ଭଦ୍ରକରେ ଅନୁପ୍ରବେଶକାରୀ ପ୍ରବେଶ କରୁଛନ୍ତି । ସର୍ବଦଳୀୟ କମିଟି ଗଠନ କରି ସମସ୍ୟାର ସମାଧାନ କରିବାକୁ ଦାବି କରିଛନ୍ତି ବିଷ୍ଣୁ ସେଠୀ ।
BREAKING NEWS
- ଯୋଗୀ ବେଶରେ ବିରଳ ସାପ ରଖି ଭିକ୍ଷା ମାଗିବା ବେଳେ ତିନି ଜଣଙ୍କୁ ଅଟକ ରଖିଲା ପୋଲିସ
- ଆଇଏମଡି ୨ ସପ୍ତାହ ପାଇଁ ପାଣିପାଗର ପୂର୍ବାନୁମାନ ଜାରି କଲା; ଜାଣନ୍ତୁ ଓଡ଼ିଶାରେ ଲମ୍ବା ଗ୍ରୀଷ୍ମ ପ୍ରବାହର କାରଣ
- ଦ୍ୱିତୀୟ ପର୍ଯ୍ୟାୟ ପାଇଁ ମତଦାନ ଆରମ୍ଭ: ମୈଦାନରେ ରାହୁଲ, ରାମାୟଣର ରାମ ଏବଂ ଡ୍ରିମ୍ ଗର୍ଲ
- କବିତା : ସକାଳ
- ଶ୍ରୀଜଗନ୍ନାଥ ତତ୍ତ୍ୱ ଓ ତଥ୍ୟ : ଅନୁରାଗ ହିଁ ଭକ୍ତି
- ହାଇକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ; ପୀଡ଼ିତା ଓ ଅଭିଯୁକ୍ତଙ୍କ ବିବାହପରେ ଯୌନ ନିର୍ଯାତନା ମାମଲା ଅବୈଧ
- କନିଷ୍ଠ ଶିକ୍ଷକ ନିଯୁକ୍ତି ମାମଲା; ଆସନ୍ତା ୨୯ରେ ରାୟ ଶୁଣାଇବେ ହାଇକୋର୍ଟ
- ଭୁବନେଶ୍ବରରେ ଶାହ କହିଲେ ଓଡ଼ିଶାରେ ସରକାର ଗଢ଼ିବା ପାଇଁ ବିଜେପି ପାଖରେ ସୁଯୋଗ
- ଭୁବନେଶ୍ୱର କୋର୍ଟରେ ନକଲି ଜାମିନ ବଣ୍ଡ୍ ଦାଖଲ ଅଭିଯୋଗରେ ୩ ଗିରଫ
- ସୋନପୁର ରାଲିରୁ ବିଜେଡି ବିରୋଧରେ ଅମିତ ଶାହଙ୍କ ଏପରି ଆକ୍ରମଣାତ୍ମକ ଆଭିମୁଖ୍ୟ, ଆଗକୁ କେତେ?