ଗୁଜରାଟ: ସାରା ଦେଶରେ ଲକ୍-ଡାଉନ୍ । ସଙ୍ଗରୋଧ ଓ ସାମାଜିକ ଦୂରତ୍ୱକୁ ଅବଲମ୍ବନ କରୁଛନ୍ତି ଦେଶବାସୀ । ଅତ୍ୟାବଶ୍ୟକ ସାମଗ୍ରୀକୁ ବାଦ ଦେଲେ ମୁଖ୍ୟତଃ ନିଶାଦ୍ରବ୍ୟ ଗୁଡିକ ଉପରେ ପ୍ରତିବନ୍ଧକ ଲାଗିଛି ।
ହେଲେ ନିଶାଦ୍ରବ୍ୟ ଉପରେ ଲାଗିଥିବା ପ୍ରତିବନ୍ଧକକୁ ଖାତିର କରୁନାହାନ୍ତି ଗୁଜରାଟ ବାସିନ୍ଦା । ଘରେ ବସି ଫୋନ୍ରେ ଅର୍ଡର କରୁଛନ୍ତି । ଡେଲିଭରୀ ବୟ କିମ୍ବା କୋରିଅର ନୁହେଁ ଡ୍ରୋନ ଜରିଆରେ ଘରେ ପହଂଚୁଛି ମନ ମୁତାବକ ଗୁଟ୍ଖା ଓ ପାନମସଲା ।
ସୋସିଆଲ ମିଡିଆରେ ଭାଇରାଲ୍ ହୋଇଥିବା ଏହି ଭିଡିଓଟି ଗୁଜରାଟର ମୋର୍ବି ସହରର । ଯେଉଁଠି ଡ୍ରୋନ୍ ଜରିଆରେ ଗୁଟ୍ଖା ଓ ପାନମାସଲା ହେଉଛି ହୋମ ଡେଲିଭରୀ ।
ଇନଷ୍ଟାଗ୍ରମରେ ଅପଲୋଡ ହୋଇଥିବା ଏହି ଭିଡିଓର କ୍ୟାପ୍ସନ୍ରେ କିଛି ଏପରି ଲେଖାହୋଇଛି “ଲକ୍-ଡାଉନ୍ ସମୟରେ ଗୁଜରାଟ ଲୋକ ପାନ ମସଲା ପାଇଁ କିଛି ବି କରିପାରିବେ । ମୋର୍ବିି ସହରରେ ଡ୍ରୋନ୍ ଜରିଆରେ ପାନ ମସଲା ର ହୋମ ଡେଲିଭରୀ” ।
ମିଳିଥିବା ସୂଚନା ଅନୁଯାୟୀ ଏହି ଭିଡିଓ ଓ ପାନମସଲା କାରବାରରେ ସଂପୃକ୍ତ ଦୁଇ ଅଭିଯୁକ୍ତଙ୍କୁ ପୋଲିସ ଗିରଫ କରିଛି ।