ଭୁବନେଶ୍ଵର: ଚିନାବାଦାମରେ ଅନେକ ପୋଷକ ତତ୍ତ୍ୱ ଭରି ରହିଥାଏ । ତେଣୁ ଚିନାବାଦାମକୁ ଗରିବଙ୍କ ବାଦାମ (Almond) ବୋଲି ମଧ୍ୟ କୁହାଯାଏ । ଚିନାବାଦାମରେ ପ୍ରୋଟିନ୍, କାର୍ବସ୍, ଫାଇବର ଏବଂ ଫ୍ୟାଟି ଏସିଡର ଗୁଣ ରହିଛି । ଏହାକୁ ଖାଇବା ଦ୍ୱାରା ଶରୀର ପାଇଁ ଅନେକ ଲାଭ ହୋଇଥାଏ, କିନ୍ତୁ ଏହା କିଛି ଲୋକଙ୍କ ସ୍ୱାସ୍ଥ୍ୟକୁ କ୍ଷତି ମଧ୍ୟ ପହଞ୍ଚାଇଥାଏ । ତେବେ ଆସନ୍ତୁ ଜାଣିବା ସେ ବିଷୟରେ…
ଯଦି ଆପଣଙ୍କର ହାଇପୋଥାଇରଏଡ୍ ଅଛି, ତେବେ ଆପଣ ଚିନାବାଦାମ ଖାଇବା ଉଚିତ ନୁହେଁ । ଚିନାବାଦାମ ଖାଇବାଦ୍ଵାରା ଥାଇରଏଡ୍ ଷ୍ଟିମୁଲେସନ ହରମୋନର ସ୍ତରକୁ ବଢ଼ାଇଥାଏ, ଯାହା ହାଇପୋଥାଇରଏଡିଜିମକୁ ବଢ଼ାଇଥାଏ । ତେଣୁ ଏପରି ଲୋକଙ୍କ କ୍ଷେତ୍ରରେ ଅଧିକ ଚିନାବାଦାମ ଖାଇବା କ୍ଷତିକାରକ ହୋଇପାରେ । ଯଦି ଆପଣଙ୍କର ଯକୃତ ସମସ୍ୟା ଅଛି ତେବେ ଆପଣ ଚିନାବାଦାମ ଖାଇବା ଠାରୁ ଦୂରେଇ ରହିବା ଉଚିତ୍ । ଚିନାବାଦାମରେ ଥିବା ଉପାଦାନଗୁଡ଼ିକ ଯକୃତର ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇପାରେ । ଏହାକୁ ଖାଇବା ଯକୃତ ଉପରେ ଖରାପ ପ୍ରଭାବ ପକାଇପାରେ । ଅଧିକ ଚିନାବାଦାମ ଖାଇବା ଦ୍ୱାରା ହଜମ ପ୍ରକ୍ରିୟାକୁ କ୍ଷତି ପହଞ୍ଚିପାରେ ।
କିଛି ଲୋକଙ୍କୁ କିଛି ପ୍ରକାରର ଖାଦ୍ୟ ପାଇଁ ଆଲର୍ଜି ହୋଇଥାଏ । ଅନେକ ଲୋକଙ୍କୁ ଚିନାବାଦାମ ଖାଇଲେ ଆଲର୍ଜି ହୋଇଥାଏ । ଚିନାବାଦାମ ଯୋଗୁଁ ଆଲର୍ଜି ଥିବା ବ୍ୟକ୍ତିମାନଙ୍କର ନିଶ୍ୱାସ ପ୍ରଶ୍ୱାସ ଓ ଚର୍ମ ସମସ୍ୟା ହୋଇପାରେ । ଏପରି ପରିସ୍ଥିତିରେ ଆଲର୍ଜି ଥିବା ବ୍ୟକ୍ତିମାନେ ଚିନାବାଦାମ ଖାଇବା ଠାରୁ ଦୂରେଇ ରହିବା ଉଚିତ୍ ।ଚିନାବାଦାମରେ ପୁଷ୍ଟିକର ଖାଦ୍ୟ ଭରପୂର ମାତ୍ରାରେ ରହିଥାଏ । ଏହାକୁ ଖାଇବା ସ୍ୱାସ୍ଥ୍ୟକର, କିନ୍ତୁ ଏଥିରେ ଥିବା ଚର୍ବି ଓଜନ ବଢ଼ାଇପାରେ । ଯଦି ଆପଣ ଓଜନ ହ୍ରାସ କରିବାକୁ ଡାଏଟରେ ଅଛନ୍ତି, ତେବେ ଚିନାବାଦାମ ଖାଇବା ଠାରୁ ଦୂରେଇ ରୁହନ୍ତୁ ।
ଚିନାବାଦାମ ଖାଇବା ହୃଦୟ ପାଇଁ ଲାଭଦାୟକ ହୋଇଥାଏ । ଭଲ କୋଲେଷ୍ଟ୍ରଲ ବୃଦ୍ଧି କରୁଥିବା ପୋଷକତତ୍ତ୍ୱ ଚିନାବାଦାମରେ ମହଜୁଦ ରହିଥାଏ । ଏହାକୁ ଖାଇବା ଦ୍ୱାରା ଶରୀରରେ ଭଲ କୋଲେଷ୍ଟ୍ରଲ୍ର ପରିମାଣ ବଢ଼ିଯାଏ ଓ ଖରାପ କୋଲେଷ୍ଟ୍ରଲ୍ର ପରିମାଣ କମିଯାଏ । ଚିନାବାଦାମରେ ଅଲିଭ୍ ଅଏଲ ପରି ଭଲ ଫ୍ୟାଟ୍ ରହିଥାଏ, ଯାହା କ୍ଷତ ଓ ଫୁଲାକୁ ହ୍ରାସ କରିବାରେ କାମ କରେ । ଏଥିରେ ମ୍ୟାଗ୍ନେସିୟମ୍ ଥାଏ । ଯାହା ଇନସୁଲିନର ସ୍ରୋତକୁ ନିୟନ୍ତ୍ରଣ କରିବା ପାଇଁ କାମ କରେ । ମଧୁମେହକୁ ନିୟନ୍ତ୍ରଣ କରିବାରେ ଚିନାବାଦାମ ପ୍ରଭାବଶାଳୀ ହୋଇପାରେ ।