ନୂଆଦିଲ୍ଲୀ: ଜାନୁଆରୀ ୮ରେ, LAC ଅତିକ୍ରମ କରି ଭାରତୀୟ ସୀମାକୁ ପସି ଆସିଥିବା ଚୀନ୍ ସେନାକୁ ଆଜି ଚୁସୁଲରେ ଫେରାଇଦିଆଯାଇଛି। ଭାରତୀୟ ସେନା ପକ୍ଷରୁ ଏହି ସୂଚନା ଦିଆଯାଇଛି। ଶୁକ୍ରବାର ଦିନ ଲାଇନ୍ ଅଫ୍ ଆକ୍ଟୁଆଲ୍ କଣ୍ଟ୍ରୋଲ୍ (LAC) ଅତିକ୍ରମ କରି ପୂର୍ବ ଲଦାଖର ପାଙ୍ଗୋଙ୍ଗ ହ୍ରଦର ଦକ୍ଷିଣ କୂଳରେ ଭାରତୀୟ ଅଞ୍ଚଳରେ ପ୍ରବେଶ କରିବା ପରେ ଜଣେ ଚୀନ୍ ସୈନିକଙ୍କୁ ଭାରତୀୟ ସେନା କାବୁ କରିଥିଲା।
ଚାଇନାର ପିପୁଲ୍ସ ଲିବରେସନ୍ ଆର୍ମି (PLA) ର ଏହି ସୈନିକ LAC ପାର ହୋଇ ଭାରତର ଲଦାଖରେ ପହଞ୍ଚିଥିଲେ। ଏହି ସମୟ ମଧ୍ୟରେ ସେଠାରେ ଅବସ୍ଥାପିତ ଭାରତର ସୈନିକମାନେ ତାଙ୍କୁ ଗିରଫ କରିଥିଲେ। ଚୀନ୍ ପକ୍ଷରୁ ଦାବି କରାଯାଇଥିଲା ଯେ ସେମାନଙ୍କ ସୈନିକମାନେ ପଥହରା ହୋଇଯାଇଛନ୍ତି। ରିପୋର୍ଟ ଅନୁଯାୟୀ ଚୀନ୍ ଭାରତରୁ ନିଜର ସୈନ୍ୟ ଫେରାଇବାକୁ ଅନେକ ଅନୁରୋଧ କରିଥିଲା।
ଦେଶରେ ଏହା ପ୍ରଥମ ଘଟଣା ନୁହେଁ। ଏହାକୁ ନେଇ ଶନିବାର ଭାରତୀୟ କର୍ତ୍ତୃପକ୍ଷ ସୂଚନା ଦେଇଛନ୍ତି ଯେ ମେ ମାସ ଆରମ୍ଭରେ ପାଙ୍ଗୋଙ୍ଗ ହ୍ରଦ ନିକଟରେ ଦୁଇ ପାର୍ଶ୍ୱ ମଧ୍ୟରେ ସଂଘର୍ଷ ପରେ ଚୀନ୍ ସୈନ୍ୟ ଏକ ସମୟରେ ଧରାପଡିଥିଲେ। ଏହି ଉତ୍ତେଜନା ଯୋଗୁଁ ପୂର୍ବ ସେନା ଏବଂ ଚୀନର ପିପୁଲ୍ସ ଲିବରେସନ୍ ଆର୍ମି ଦ୍ୱାରା ପୂର୍ବ ଲଦାଖରେ ବହୁ ସଂଖ୍ୟକ ସୈନ୍ୟ ମୁତୟନ ହୋଇଛନ୍ତି।