ଜନତା କର୍ଫ୍ୟୁ ପ୍ରଭାବ: ହିରୋ ମୋଟୋ କର୍ପ ର ସମସ୍ତ ଫ୍ୟାକ୍ଟ୍ରୀ ଲକ୍-ଡାଉନ୍
ମୁମ୍ବାଇ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆହ୍ୱାନରେ ସାରା ଭାରତରେ ଦେଖିବାକୁ ମିଳିଛି ଜନତା କର୍ଫ୍ୟୁର ସଫଳ ଛବି । ଓଡିଶା ସମେତ ରାଜସ୍ଥାନରେ ଲକ୍-ଡାଉନ୍ ନିର୍ଦ୍ଦେଶ ଜାରି ହୋଇଛି ।
ଏପରି ସ୍ଥିତିକୁ ଦେଖି ସମସ୍ତ ଅପରେଶନକୁ ତୁରନ୍ତ ବନ୍ଦ କଲା ଭାରତର ଅଗ୍ରଣୀ ଦୁଇ ଚକିଆ ନିର୍ମାଣକାରୀ କମ୍ପାନୀ ହିରୋ ମୋଟୋ କର୍ପ । କରୋନା ମହାମାରୀ ପାଇଁ ଭାରତ ସମେତ କଲମ୍ବିଆ ଓ ବଙ୍ଗଳାଦେଶରେ ଥିବା ସମସ୍ତ ଫ୍ୟାକ୍ଟ୍ରୀକୁ ମଧ୍ୟ ହିରୋ ମୋଟୋ କର୍ପ ମାର୍ଚ୍ଚ ୩୧ ପର୍ଯ୍ୟନ୍ତ ବନ୍ଦ ରଖିଛି ।
Our top priority is the health and well-being of our employees. With #COVID-19 situation escalating, we are halting operations at all our manufacturing plants globally. Employees at our corporate offices will continue to work from home.#StaySafe #StayHealthy pic.twitter.com/yEkhGiBfz3
— Hero MotoCorp (@HeroMotoCorp) March 21, 2020
ରାଜସ୍ଥାନର ଜୟପୁରରେ ଥିବା ସେଣ୍ଟର ଅଫ୍ ଇନୋଭେସନ୍ ଆଣ୍ଡ ଟେକ୍ନୋଲଜିର(ସିଆଇଟି) କର୍ମଚାରୀଙ୍କୁ ୱାର୍କ ଫ୍ରମ୍ ହୋମ୍ ନିର୍ଦ୍ଦେଶ ମିଳିଛି । ଟୁଇଟ୍ ଜରିଆରେ ସମସ୍ତ କମ୍ପାନୀ ଅପରେଶନ ସ୍ଥଗିତ ଥିବା ନେଇ ହିରୋ ମୋଟୋ କର୍ପ ଘୋଷଣା କରିଛି ।
ତାଜା ସ୍ଥିତିରେ ଅଟୋମୋବାଇଲ ସେକ୍ଟର ବିପୁଳ କ୍ଷତି ସହିଥିବାବେଳେ ହିରୋ ମୋଟୋ କର୍ପ କମ୍ପାନୀର ଏଭଳି ପଦକ୍ଷେପକୁ ସମସ୍ତେ ତାରିଫ କରିଛନ୍ତି ।