ନୂଆଦିଲ୍ଲୀ : ଭାରତୀୟ ବାୟୁସେନାର ମିଗ୍-୨୧ ବିସନ୍ ନିୟନ୍ତ୍ରଣ ରେଖା ନିକଟରେ ଦୁର୍ଘଟଣାଗ୍ରସ୍ତ ହୋଇଥିବାବେଳେ ଏହାର ପାଇଲଟ୍ ନିଖୋଜ ଥିବା ନେଇ ଭାରତୀୟ ବୈଦେଶିକ ମନ୍ତ୍ରଣାଳୟର ପ୍ରବକ୍ତା ରବିଶ କୁମାର ବୁଧବାର ଦିନ ସୂଚନା ପ୍ରକାଶ କରିଛନ୍ତି ।
ଏହି ଘଟଣାରେ ବାୟୁସେନାର ଜଣେ ପାଇଲଟ ନିଖୋଜ ଥିବା ସେ ସ୍ପଷ୍ଟ କରିଛନ୍ତି । ସେପଟେ ପାକିସ୍ତାନ ଭାରତୀୟ ବାୟୁସେନାର ଜଣେ ପାଇଲଟଙ୍କୁ ବନ୍ଦୀ କରି ରଖିଥିବା ଯୁକ୍ତି କରି ଏକ ଭିଡିଓ ଜାରି କରିଛି ।
#WATCH Raveesh Kumar, MEA: One Pakistan Air Force fighter aircraft was shot down by Indian Air Force. In this engagement, we have lost one MiG 21. Pilot is missing in action. Pakistan claims he is in their custody. We are ascertaining the facts. pic.twitter.com/Bm0nVChuzF
— ANI (@ANI) February 27, 2019
ପାକିସ୍ତାନର ଏକ ରେଡିଓ ଉକ୍ତ ପାଇଲଟଙ୍କୁ ବନ୍ଦୀ କରାଯାଇଥିବା ସମ୍ପର୍କରେ ଏକ ଭିଡିଓ ରିଲିଜ କରିଛି । ତେବେ ଏନେଇ ତଦନ୍ତ ଆରମ୍ଭ ହୋଇଥିବା ନେଇ ଶ୍ରୀଯୁକ୍ତ ରବିଶ କୁମାର ଗଣମାଧ୍ୟମକୁ ସୂଚନା ଦେଇ କହିଛନ୍ତି ।
ଆହୁରି ମଧ୍ୟ ବାୟୁସେନାର ମିଗ୍-୨୧ ପାକିସ୍ତାନର ଲଢୁଆ ବିମାନକୁ ମାରି ଖସାଇଦିଆଯାଇଛି ଏବଂ ଏହି ବିମାନର ଧ୍ୱଂସାବଶେଷ ପିଓକେ ନିକଟରେ ପଡିଥିବା ନେଇ ସୈନ୍ୟମାନେ ସୂଚନା ପ୍ରଦାନ କରିଥିବା ନେଇ ଶ୍ରୀଯୁକ୍ତ ରବିଶ କହିଛନ୍ତି ।
ଭାରତ ପାକିସ୍ତାନର ଏୟାରସ୍ପେଶରୁ ଦୂରେଇ ରହିବା ପାଇଁ ଅମୃତସର, ଚଣ୍ଡିଗଡ, ଡେରାଡୁନ୍, ଜମ୍ମୁ, ଶ୍ରୀନଗର ଓ ଲେହ ସମେତ ଉତ୍ତର ଭାରତର ୮ଟି ବିମାନବନ୍ଦରକୁ ବନ୍ଦ ଘୋଷଣା କରିଥିଲା ବେଳେ ପରବର୍ତ୍ତୀ ସମୟରେ ଏହି ନିଷ୍ପତ୍ତିକୁ ପ୍ରତ୍ୟାହୃତ କରିଛି ।
ଅପରପକ୍ଷରେ ପାକିସ୍ତାନ ଇସଲାମବାଦ ଓ ଲାହୋରରୁ ଉଡାଣ ବନ୍ଦ କରିଦେଇଛି ।