ଭୁବନେଶ୍ୱର: ମୌସୁମୀ ଓଡ଼ିଶା ଛାଡ଼ିବା ଓ ବର୍ଷା କମିବା ପରେ ପରେ ଅନୁଭୂତ ହେଲାଣି ଶୀତ । ଭୁବନେଶ୍ୱର ସମେତ ରାଜ୍ୟର ବିଭିନ୍ନ ସ୍ଥାନରେ ରାତିରେ ଥଣ୍ଡା ସାମାନ୍ୟ ବଢିଛି । ରାଜ୍ୟର ଚାରିଟି ଜିଲ୍ଲା ସୋନପୁର, ଅନୁଗୁଳ, କନ୍ଧମାଳ ଓ କୋରାପୁଟର ସର୍ବନିମ୍ନ ତାପମାତ୍ରା ୧୫ ଡିଗ୍ରୀ ସେଲସିୟସରୁ ରେକର୍ଡ କରାଯାଇଛି । ଚାରିଟି ସହରରେ ୧୫ ଡିଗ୍ରୀ ସେଲସିୟସରୁ କମ୍ ରହିଛି ତାପମାତ୍ରା ।
ପାଣିପାଗ ବିଭାଗର ସୂଚନା ଅନୁସାରେ ସୋନପୁରରେ ସର୍ବନିମ୍ନ ୧୨.୮ ଡିଗ୍ରୀ, ଅନୁଗୁଳରେ ୧୩.୮ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ସେହିପରି ଫୁଲବାଣୀ ଓ ଦାରିଙ୍ଗିବାଡ଼ିରେ ୧୪ ଡିଗ୍ରୀ ଲେଖାଏଁ ଏବଂ କୋରାପୁଟରେ ସର୍ବନିମ୍ନ ତାପମାତ୍ରା ୧୫ ଡିଗ୍ରୀ ସେଲସିୟସ୍ ରହିଛି ।
ଭୁବନେଶ୍ୱରରେ ୧୯.୮ ଡିଗ୍ରୀ ସେଲସିୟସ ତାପମାତ୍ରା ରେକର୍ଡ କରାଯାଇଥିବା ବେଳେ କଟକ ସହରର ସର୍ବନିର୍ମ ତାପମାତ୍ରା ୨୦ ଡିଗ୍ରୀ ସେଲସିୟସ ରେକର୍ଡ ହୋଇଛି । କାର୍ତ୍ତିକ ମାସ ନ ଆସୁଣୁ ଶୀତ ଅନୁଭୂତ ହେଲାଣି । ଏବର୍ଷ ରାଜ୍ୟରେ ଅଧିକ ଶୀତ ହୋଇପାରେ ।
ଆଜି #ଓଡ଼ିଶାରେ ୧୫ °C କିମ୍ବା ତା ଠାରୁ କମ ରେକର୍ଡ ହୋଇଥିବା ନିମ୍ନ ତାପମାତ୍ରା ମଧ୍ୟରେ #ସୋନପୁର ୧୨.୮°C, #ଅନୁଗୁଳ ୧୩.୮,#ଫୁଲବାଣୀ ୧୪.୦ °C, #ଦାରିଙ୍ଗବାଡ଼ି ୧୪.୦ °C, ଏବଂ #କୋରାପୁଟ ୧୫.୦ °C |
ରାଜଧାନୀ #ଭୁବନେଶ୍ୱର ରେ ୧୯.୮ °C ତାପମାତ୍ରା ରେକର୍ଡ ହୋଇଥିବା ବେଳେ #କଟକ ସହର ରେ #ତାପମାତ୍ରା ୨୦.୦ °C ରେକର୍ଡ ହୋଇଛି | pic.twitter.com/b7hMu1YwTl— Meteorological Centre, Bhubaneswar (@mcbbsr) October 30, 2020