Mob attacks Assam Rifles camp:ଆସାମ ରାଇଫଲ୍ସ ଶିବିର ଉପରେ ଉତ୍ତ୍ୟକ୍ତ ଜନତାଙ୍କ ଆକ୍ରମଣ;ଫିଙ୍ଗିଲେ ପଥର,ଜାଳିଦେଲେ ଗାଡି

ନୂଆଦିଲ୍ଲୀ: ଜୁଲାଇ ୧୪-୧୫ ରାତିରେ ଏକ ଅଶାନ୍ତ ଭିଡ ମଣିପୁରର ସେନାପତି ସହରରେ ଆସାମ ରାଇଫଲ୍ସ ଶିବିର ଉପରେ ପଥର ମାଡ଼ କରିଥିଲେ, ନିଆଁ ଲଗାଇ ଦେଇଥିଲେ ଏବଂ ଭଙ୍ଗାରୁଜା କରିଥିଲେ, ଫଳରେ ବାହିନୀର ଅନେକ ଗାଡ଼ି କ୍ଷତିଗ୍ରସ୍ତ ହୋଇଥିଲା। ଜନତା ଦୁଇଟି ଟ୍ରକକୁ ମଧ୍ୟ ଓଲଟାଇ ଦେଇଥିଲେ। ଏହା ପରେ ସୁରକ୍ଷା ବାହିନୀ ସଂଯମତା ଅବଲମ୍ବନ କରି ମଣିପୁର ପୋଲିସ୍ ଓ ସିଆରପିଏଫ୍ (CRPF) ର ସହାୟତାରେ ପରିସ୍ଥିତିକୁ ନିୟନ୍ତ୍ରଣକୁ ଆଣିଥିଲା।

ସୁରକ୍ଷା ବାହିନୀର ଅଧିକାରୀମାନେ କହିଛନ୍ତି ଯେ ଗୁଇନ୍ଦା ରିପୋର୍ଟ ଏବଂ ସୋସିଆଲ ମିଡିଆ ପୋଷ୍ଟରୁ ଜଣାପଡିଥିଲା ଯେ NSCN (IM)ର ସଶସ୍ତ୍ର କ୍ୟାଡରମାନେ ମାକୁଇଲୋଙ୍ଗଡି ଅଞ୍ଚଳ ଦେଇ ବୁଲୁଛନ୍ତି, ଯେଉଁଠାରେ ଓକଲଙ୍ଗରେ NSCN (IM)ର ଏକ ଶିବିର ଅବସ୍ଥିତ।। ସେମାନେ ସଶସ୍ତ୍ର ଏବଂ ୟୁନିଫର୍ମ ପିନ୍ଧିଥିଲେ, ଯାହା ଅସ୍ତ୍ରବିରତି ସ୍ଥଳ ନିୟମର ସ୍ପଷ୍ଟ ଉଲ୍ଲଂଘନ। ପରବର୍ତ୍ତୀ ସମୟରେ, ସୁରକ୍ଷା ଚିନ୍ତାକୁ ନଜରରେ ରଖି ଅସ୍ତ୍ରବିରତି ମନିଟରିଂ ଗ୍ରୁପ୍ (CFMG) କୁ ଏହି ଉଲ୍ଲଂଘନ ବିଷୟରେ ଆନୁଷ୍ଠାନିକ ଭାବରେ ଅବଗତ କରାଯାଇଥିଲା, ଏବଂ ସେହି ଅଞ୍ଚଳରେ ଏକ ତଲାସୀ ଅଭିଯାନ ଆରମ୍ଭ କରାଯାଇଥିଲା। ଏହି ତଲାସୀ ଅଭିଯାନ ଦ୍ୱାରା ଉତ୍ତେଜିତ ଭିଡ ଶିବିର ଉପରେ ଆକ୍ରମଣ କରିଥିଲେ। ପୋଲିସ ସହିତ ସମନ୍ୱୟ ରଖି ସୁରକ୍ଷା ବାହିନୀ ଲୁହ ବୁହା ଗ୍ୟାସ୍ ସେଲ୍ ଫୁଟାଇଥିଲେ ଏବଂ ଫାଙ୍କା ଗୁଳି ଚାଳନା କରିଥିଲେ, ଫଳରେ ମଧ୍ୟରାତ୍ରି ସୁଦ୍ଧା ପରିସ୍ଥିତି ନିୟନ୍ତ୍ରଣକୁ ଆସିଥିଲା।