ଭୁବନେଶ୍ଵର: ସଫଳତା ଏବଂ ବିଫଳତା ଗୋଟିଏ ମୁଦ୍ରାର ଦୁଇ ପାର୍ଶ୍ୱ ପରି । ସମସ୍ତଙ୍କ ପାଇଁ ସଫଳତାର ରାସ୍ତା ସହଜ ନୁହେଁ । ସଫଳତା ପାଇବା ପାଇଁ ସମସ୍ତଙ୍କୁ କଠିନ ପରିଶ୍ରମ କରିବାକୁ ପଡିଥାଏ । ତଥାପି ସବୁ ଲୋକ ସଫଳତା ପାଇପାରନ୍ତି ନାହିଁ । ଏହା ପ୍ରତ୍ୟେକ ବ୍ୟକ୍ତିଙ୍କ ପ୍ରୟାସ, ଉତ୍ସର୍ଗୀକୃତ ଏବଂ କଠିନ ପରିଶ୍ରମ ଉପରେ ନିର୍ଭର କରେ ଯେ ସେ କେତେ ପରିମାଣର ସଫଳ ହେବେ ଓ କେତେ ପରିମାଣର ବିଫଳ । ସଫଳତା ପାଇବା ପାଇଁ ସବୁ ବ୍ୟକ୍ତିଙ୍କ ମଧ୍ୟରେ କିଛି ବିଶେଷ ଗୁଣ ରହିବା ନିହାତି ଆବଶ୍ୟକ ।
ନିଜ ଉପରେ ବିଶ୍ୱାସ ରଖନ୍ତୁ
ସଫଳତା ହାସଲ କରିବା ପାଇଁ ହେଲେ ଆପଣଙ୍କୁ ପ୍ରଥମେ ନିଜ ଉପରେ ବିଶ୍ଵାସ ରଖିବାକୁ ପଡିବ । ଯେଉଁ ଲକ୍ଷ୍ୟ ରଖି ଆପଣ ପ୍ରୟାସ କରୁଛନ୍ତି ତା’ ଉପରେ ଆପଣଙ୍କର ସମ୍ପୂର୍ଣ୍ଣ ଆତ୍ମବିଶ୍ୱାସ ରହିବା ଆବଶ୍ୟକ । ଦେଖିବେ ଆପଣ ନିଶ୍ଚୟ ଭାବରେ ସଫଳତା ହାସଲ କରିବେ । ଯଦି ତୁମର ନିଜ ଉପରେ ଆତ୍ମ ବିଶ୍ଵାସ ଥାଏ ତେବେ ଦିନେ ନା ଦିନେ ସଫଳତା ଆପଡ଼ଙ୍କ ପାଦତଳେ ରହିବ । ଏଥିରୁ ଆପଣଙ୍କୁ ଆପଣଙ୍କ କାମ ସର୍ବୋତ୍ତମ ଉପାୟରେ କରିବାକୁ ପ୍ରେରଣା ମିଳିବ । ଯେପର୍ଯ୍ୟନ୍ତ ଜଣେ ବ୍ୟକ୍ତି ନିଜ ଉପରେ ଆତ୍ମବିଶ୍ୱାସ ରଖିନଥିବ ତେବେ ବହୁ ପ୍ରୟାସ କରିବା ପରେ ମଧ୍ୟ ସେ ସଫଳତା ପାଇବ ନାହିଁ । ତେଣୁ ନିଜ ଉପରେ ଆତ୍ମବିଶ୍ୱାସ ରହିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ |
ସକରାତ୍ମକ ଚିନ୍ତାଧାରା ରଖନ୍ତୁ
ସଫଳତା ସର୍ବଦା କେବଳ ସକାରାତ୍ମକ ଚିନ୍ତାଧାରା ଥିବା ଲୋକଙ୍କୁ ହିଁ ମିଳିଥାଏ । ନିଜ କାର୍ଯ୍ୟକୁ ସର୍ବଦା ଏକ ସକାରାତ୍ମକ ଚିନ୍ତାଧାରା ସହିତ ଆରମ୍ଭ କରନ୍ତୁ | ସକରାତ୍ମକ ଚିନ୍ତାଧାରା ସହିତ ଆରମ୍ଭ ହୋଇଥିବା କାର୍ଯ୍ୟ ସର୍ବଦା ସଫଳତା ଆଣିଥାଏ | ଯଦି କୌଣସି ବ୍ୟକ୍ତି ନିଜ କାର୍ଯ୍ୟର ଶୀର୍ଷ ପର୍ଯ୍ୟନ୍ତ ଯିବାକୁ ଦୃଢ ସଂକଳ୍ପ ନେଇଛନ୍ତି ତେବେ ତାଙ୍କ ରାସ୍ତାରେ ଅନେକ ବାଧାବିଘ୍ନ ଆସିଲେ ମଧ୍ୟ ସେ କେବେ ହେଲେ ରହି ଯିବେନି । ମନରେ ଦ୍ୱନ୍ଦ୍ୱ ରଖି କରାଯାଇଥିବା କୌଣସି ବି କାର୍ଯ୍ୟ ସକରାତ୍ମକ ଫଳାଫଳ ଦେଇନଥାଏ | ତେଣୁ, ଯେକୌଣସି କାର୍ଯ୍ୟ ଆରମ୍ଭ କରିବା ପୂର୍ବରୁ ମନରେ ସର୍ବଦା ସକରାତ୍ମକ ଚିନ୍ତାଧାରା ରହିବା ଉଚିତ |
ବିଫଳତାର ସାମ୍ନା କରିବା
ସଫଳତା ପାଇବାର ରାସ୍ତାରେ ବିଫଳତା ସାମ୍ନାକୁ ଆସିବା ଗୋଟେ ସାଧାରଣ କଥା । କିନ୍ତୁ ଯେଉଁମାନେ ଏହି ବିଫଳତାକୁ ଭୟ ନକରି ନିଜ କର୍ଯ୍ୟ କରିଚାଲନ୍ତି ସେମାନେହିଁ ଜୀବନରେ ସଫଳତା ପାଇଥାଆନ୍ତି । ଯେଉଁମାନେ ଜୀବନରେ ବଡ଼ ବଡ ସଫଳତାକୁ ହାସଲ କରିଥାଆନ୍ତି, ସେମାନେ ଏପରି ଛୋଟ ଛୋଟ ବିଫଳତାକୁ ଭୟ କରନ୍ତି ନାହିଁ | କାରଣ ବିଫଳତା ହେଉଛି ସଫଳତାର ଚାବିକାଠି । ତେଣୁ, ସଫଳତାର ପଥରେ ଆସୁଥିବା ଆହ୍ୱାନଗୁଡ଼ିକୁ କେବେବି ଭୟ କରିବା ଉଚିତ୍ ନୁହେଁ, ବରଂ ସେମାନଙ୍କୁ ପୂର୍ଣ୍ଣ ସାହସର ସହିତ ସାମ୍ନା କରିବା ଉଚିତ୍ |