ଓଡ଼ିଶା ସମ୍ବାଦ ବ୍ୟୁରୋ: MQ-9B ରିପର୍ ଡ୍ରୋନ୍ କିଣିବା ପାଇଁ ଭାରତର ଯୋଜନାକୁ ସ୍ୱାଗତ କରିଛନ୍ତି ରାଷ୍ଟ୍ରପତି ଜୋ ବାଇଡେନ ଏବଂ ପ୍ରଧାନମନ୍ତ୍ରୀ ମୋଦୀ। ଆମେରିକାର କମ୍ପାନୀ ଜେନେରାଲ୍ ଆଟୋମିକ୍ ଦ୍ୱାରା ଏହି ଡ୍ରୋନ୍ ପ୍ରସ୍ତୁତ କରାଯାଇଛି। ଦୁନିଆର ସବୁଠାରୁ ଶକ୍ତିଶାଳୀ ଡ୍ରୋନ୍ ବୋଲି କୁହାଯାଉଥିବା 9B ରିପର୍ ଭାରତରେ ଏସେମ୍ବଲ କରାଯିବ। ଏହି ଚୁକ୍ତି ଭାରତର ଜାତୀୟ ସୁରକ୍ଷା ଏବଂ ତଦାରଖ କ୍ଷମତାକୁ ମଜବୁତ କରିବ। ଏହା ଦ୍ୱାରା ଭାରତ ମହାସାଗର ଏବଂ ଚୀନ୍ ସୀମାରେଖା ଉପରେ ନଜର ରଖିବାରେ ଦକ୍ଷତା ବୃଦ୍ଧି ହେବ।
ଭାରତ ଯେପରି ଦୁଇ ପ୍ରମୁଖ ଦେଶ ପାକିସ୍ତାନ ଏବଂ ଚୀନର କାର୍ଯ୍ୟକଳାପକୁ ନେଇ ଚିନ୍ତା କରେ, ଏପରି ସ୍ଥିତିରେ ଭାରତ ନିଜର ଜାତୀୟ ସ୍ୱାର୍ଥ ରକ୍ଷା ପାଇଁ ଏହି ଦୁଇ ଦେଶର ସମସ୍ତ କାର୍ଯ୍ୟକଳାପ ଉପରେ ନଜର ରଖିବା ଆବଶ୍ୟକ। MQ-9B ଡ୍ରୋନର ଆଗମନରେ ଭାରତ ଏହି କ୍ଷେତ୍ରରେ ଏକ ମହତ୍ୱପୂର୍ଣ୍ଣ ଶକ୍ତି ହାସଲ କରିବ। MQ-9B ରିପର୍ସ, ଯାହାକୁ ପ୍ରିଡେଟର୍ସ ମଧ୍ୟ କୁହାଯାଏ। ଏହି ଡ୍ରୋନ ଏକ ସମୟରେ ୩୬ ଘଣ୍ଟା ଉଡିପାରେ। ଖୁବ୍ ଶୀଘ୍ର ଭାରତର ତିନୋଟି ଶକ୍ତି ମିଳିତ ଭାବରେ ଆମେରିକାରୁ କିଣିବାକୁ ଥିବା ୩୧ଟି ପ୍ରିଡେଟର ଡ୍ରୋନ୍ ଚଳାଇବ। ଏହି ଡ୍ରୋନଗୁଡିକ ଟ୍ରାଇ-ସର୍ଭିସ କମାଣ୍ଡ ଦ୍ୱାରା ପରିଚାଳିତ ହେବ, ଯେଉଁଥିରେ ତିନି ସେନାର ଅଧିକାରୀ ଏବଂ ଯବାନ ସାମିଲ ହେବେ।
ଭାରତ-ଆମେରିକାର ମିଳିତ ବୟାନରେ କୁହାଯାଇଛି ଯେ ଲାଇଟ୍ କମ୍ବାଟ୍ ଏୟାରକ୍ରାଫ୍ଟ Mk 2 ପାଇଁ ଭାରତରେ GE F-414 ଜେଟ୍ ଇଞ୍ଜିନ ନିର୍ମାଣ ପାଇଁ ଜେନେରାଲ ଇଲେକ୍ଟ୍ରିକ୍ ଏବଂ ହିନ୍ଦୁସ୍ତାନ ଏରୋନେଟିକ୍ସ ଲିମିଟେଡ୍ ମଧ୍ୟରେ ହୋଇଥିବା ଚୁକ୍ତିନାମା ସ୍ୱାକ୍ଷର କରିବାକୁ ରାଷ୍ଟ୍ରପତି ବାଇଡେନ ଏବଂ ପ୍ରଧାନମନ୍ତ୍ରୀ ମୋଦୀ ଆଗ୍ରହ ପ୍ରକାଶ କରିଛନ୍ତି। ଜେନେରାଲ ଇଲେକ୍ଟ୍ରୋନିକ୍ସ ଏରୋସ୍ପେସ୍ ଗୁରୁବାର ଘୋଷଣା କରିଛି ଯେ ଭାରତୀୟ ବାୟୁସେନା ପାଇଁ ଯୁଦ୍ଧ ବିମାନ ଇଞ୍ଜିନ ଉତ୍ପାଦନ ପାଇଁ HAL ସହିତ ଏକ ବୁଝାମଣାପତ୍ର (ଏମଓୟୁ) ସ୍ୱାକ୍ଷର କରିଛି। ଆମେରିକୀୟ କମ୍ପାନୀ ଏହି ଚୁକ୍ତିନାମାକୁ ପିଏମ ମୋଦୀଙ୍କ ଆମେରିକା ଗସ୍ତ ମଧ୍ୟରେ ଏକ ପ୍ରମୁଖ ମାଇଲଖୁଣ୍ଟ ବୋଲି ବର୍ଣ୍ଣନା କରିଛି।