ବେଙ୍ଗାଲୁରୁ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ଦିନ କହିଛନ୍ତି, ବିଫଳତାର ଶବ୍ଦ ବିଜ୍ଞାନରେ ନାହିଁ । ବିଭିନ୍ନ କାରଣ ଯୋଗୁଁ ଇସ୍ରୋ ଭାରତକୁ ଭବିଷ୍ୟତରେ ଅନେକ ଖୁସି ଆଣିଦେଇ ଭାରତୀୟଙ୍କ ମୁଖରେ ଅନେକ ହସ ଫୁଟାଇପାରିବ ବୋଲି କହିଛନ୍ତି ମୋଦୀ ।
#WATCH PM Narendra Modi hugged and consoled ISRO Chief K Sivan after he(Sivan) broke down. #Chandrayaan2 pic.twitter.com/bytNChtqNK
— ANI (@ANI) September 7, 2019
ଭାରତୀୟ ଅନ୍ତରୀକ୍ଷ ଗବେଷଣା ସଂସ୍ଥାନ ପକ୍ଷରୁ ଚାନ୍ଦ୍ରାୟଣ-୨ ଅଭିଯାନରେ ବିକ୍ରମ ଲ୍ୟାଣ୍ଡର ଚନ୍ଦ୍ରପୃଷ୍ଠରେ ଅବତରଣ କରିବାର କିଛି ସେକେଣ୍ଡ ପୂର୍ବରୁ ଯୋଗାଯୋଗ ବିଚ୍ଛିନ୍ନ କରିବାର କିଛି ଘଣ୍ଟା ପରେ ପ୍ରଧାନମନ୍ତ୍ରୀ ମୋଦୀ ବେଙ୍ଗାଲୁରୁ ଇସ୍ରୋ କାର୍ଯ୍ୟାଳୟଠାରେ ବୈଜ୍ଞାନିକମାନଙ୍କୁ ଉଦବୋଧନ ଦେଇ ଆଶ୍ୱାସନା ଦେଇଛନ୍ତି ।
PM Narendra Modi addressing ISRO scientists: Friends I could feel what you were going through few hours back, your eyes were conveying a lot. You live for India’s honour, I salute you. #Chandrayaan2 pic.twitter.com/cF63Mv8fqY
— ANI (@ANI) September 7, 2019
ଇସ୍ରୋର ବରିଷ୍ଠ ବୈଜ୍ଞାନିକମାନଙ୍କ ସହିତ ଆଲୋଚନା ସମୟରେ ସେ କହିଛନ୍ତି ଯେ, ଆଗାମୀ ଦିନମାନଙ୍କରେ ଏକ ନୂଆ ଦିଗବଳୟରେ ନୂଆ ସକାଳ ଆସୁଛି । ଉଦ୍ୟମ ଓ ଗବେଷଣାକୁ ନେଇ ହିଁ ବିଜ୍ଞାନ, ତେଣୁ ବିଜ୍ଞାନରେ ଅସଫଳତା ବୋଲି କିଛି ନାହିଁ ।
ଇସ୍ରୋ ବୈଜ୍ଞାନିକମାନଙ୍କ କଠିନ ପରିଶ୍ରମ ତଥା ନିରବଚ୍ଛିନ୍ନ ଉଦ୍ୟମକୁ ଦୃଷ୍ଟିରେ ରଖି ମୋଦୀ କହିଛନ୍ତିି ଆମେ ଯେଉଁ ଉଦ୍ୟମ କରିଥିଲୁ ସେଥିରେ ବହୁମାତ୍ରାରେ ସଫଳ ହୋଇଛୁ । ଆମ ଟିମର କଠିନ ପରିଶ୍ରମ ଏବଂ ଉଦ୍ୟମ ପ୍ରକୃତରେ ପ୍ରଶଂସନୀୟ । ଆଜିର ଶିକ୍ଷାରୁ ହିଁ ଆମକୁ ଦୃଢ ଓ ଶକ୍ତିଶାଳୀ କରିବାରେ ସହାୟକ ହୋଇପାରିବ ।
ଏଠାରେ ଉଲ୍ଲେଖଯୋଗ୍ୟ ଯେ, ଚାନ୍ଦ୍ରାୟଣ -୨ ଚନ୍ଦ୍ର ଅଭିଯାନରେ ଶୁକ୍ରବାର ରାତି ୧:୫୫ ରେ ଚନ୍ଦ୍ରପୃଷ୍ଠରେ ଅବତରଣ କରିବାକୁ ଯାଉଥିବା ବିକ୍ରମ ଲ୍ୟାଣ୍ଡର୍ ଯୋଗାଯୋଗ ବିଚ୍ଛିନ୍ନ କରିଥିଲା ।
#WATCH Bengaluru: “Why President? Why not Prime Minister?”, says PM Modi when a student, selected through ISRO’s ‘Space Quiz’ competition to watch the landing of Vikram Lander along with him, asks him, ”My aim is to become the President of India. What steps should I follow?” pic.twitter.com/rhSlY1tMc4
— ANI (@ANI) September 6, 2019
ବେଙ୍ଗାଲୁରୁସ୍ଥିତ ଇସ୍ରୋ ମୁଖ୍ୟ କାର୍ଯ୍ୟାଳୟଠାରେ ପ୍ରଧାନମନ୍ତ୍ରୀ ମୋଦୀ ଭାରତର ବିଭିନ୍ନ ପ୍ରାନ୍ତରୁ ଆସିଥିବା ୭୦ ଜଣ ଛାତ୍ରଛାତ୍ରୀଙ୍କ ସହିତ ଏହି ଦୃଶ୍ୟକୁ ଦେଖିଥିଲେ ।