ଭୁବନେଶ୍ୱର: ଭିଜିଲାନ୍ସ ଜାଲରେ ବରିଷ୍ଠ କିରାଣୀ ଅଚ୍ୟୁତ କୁମାର ପ୍ରଧାନ। ମାଲକାନଗିରି ଜିଲ୍ଲାର ମାଥିଲିରେ ଥିବା ଜେଏମଏଫସିଙ୍କ କୋର୍ଟରେ କାର୍ଯ୍ୟରତ ଜଣେ ବରିଷ୍ଠ କିରାଣୀଙ୍କୁ ୫୦,୦୦୦ ଟଙ୍କା ଲାଞ୍ଚ ନେଉଥିବା ବେଳେ ଓଡ଼ିଶା ଭିଜିଲାନ୍ସ ଅଧିକାରୀମାନେ ଗିରଫ କରିଛନ୍ତି। ମାଥିଲି JMFC କୋର୍ଟରେ କାମ କରୁଥିଲେ ଅଚ୍ୟୁତ। NBW ମାମଲାରେ ଆଶ୍ୱସ୍ତି ଦେବା ପାଇଁ ନେଉଥିଲେ ୫୦ ହଜାର ଟଙ୍କା।
ଭିଜିଲାନ୍ସ ବୟାନ ଅନୁଯାୟୀ, କିରାଣୀ ଅଚ୍ୟୁତ କୁମାର ପ୍ରଧାନ ତାଙ୍କ ଭାଇଭଉଣୀଙ୍କ ବିରୋଧରେ ଦୁଇଟି ମାମଲାରେ ଜାରି ହୋଇଥିବା ଦୁଇଟି ଜାମିନ ବିହୀନ ୱାରେଣ୍ଟ (ଏନବିଡବ୍ଲୁ) ସମ୍ପର୍କରେ ଆଶ୍ୱସ୍ତି ପ୍ରଦାନ କରିବା ପାଇଁ ଜଣେ ଅଭିଯୋଗକାରୀଙ୍କଠାରୁ ଲାଞ୍ଚ ଦାବି କରିଥିଲେ। ଦାବି ପୂରଣ କରିବାରେ ଅସମର୍ଥ ହୋଇ ଅଭିଯୋଗକାରୀ ଭିଜିଲାନ୍ସ କର୍ତ୍ତୃପକ୍ଷଙ୍କୁ ଜଣାଇଥିଲେ।
ଅଭିଯୋଗ ଆଧାରରେ, ଭିଜିଲାନ୍ସ ଅଧିକାରୀଙ୍କ ଏକ ଦଳ ଗୁରୁବାର ଏକ ଜାଲ ବିଛାଇ ଅଭିଯୋଗକାରୀଙ୍କଠାରୁ ୫୦,୦୦୦ ଟଙ୍କା ଲାଞ୍ଚ ନେଉଥିବା ସମୟରେ ପ୍ରଧାନଙ୍କୁ ଧରିଥିଲେ। ତାଙ୍କ କବଜାରୁ ସମସ୍ତ ଦାଗି ଲାଞ୍ଚ ଟଙ୍କା ଉଦ୍ଧାର କରାଯାଇ ଜବତ କରାଯାଇଛି। ଏବେ ଆୟ ବହିର୍ଭୂତ ସମ୍ପତ୍ତି ଦୃଷ୍ଟିରୁ ତାଙ୍କ ବାସସ୍ଥାନରେ ଏକକାଳୀନ ତଲାସ ଚାଲିଛି।
Comments are closed.